СУРГАЛТ, СУДАЛГААНЫ ЧИГЛЭЛЭЭР BNI МОНГОЛ БАЙГУУЛЛАГАТАЙ ХАМТРАН АЖИЛЛАНА
“Би Эн Ай Монгол” ХХК нь МҮХАҮТ-тай бизнесийн орчин нөхцөлийг сайжруулах чиглэлээр бизнес эрхлэгчдэд тулгамдаж буй асуудлыг тодорхойлох судалгаа явуулах, сургалт семинар, зөвлөгөөн зохион байгуулах, гишүүн байгууллага хоорондын түншлэлийг өргөжүүлэх, зуучлахад чиглэсэн үйл ажиллагааг хэрэгжүүлэх чиглэлд хамтран ажиллахаар гэрээ байгууллаа.
Талууд дараах чиглэлд хамтран ажиллана.
Бизнесийн орчныг сайжруулах чиглэлээр бизнес эрхлэгчдэд тулгамдаж буй асуудлыг тодорхойлох судалгаа явуулах;
Бизнес эрхлэгчдийг хөгжүүлэх, чадавхжуулах чиглэлээр сургалт, хөтөлбөрүүдэд BNI Монгол байгууллын гишүүдийг хамруулах;
Талуудын үйл ажиллагааны талаарх мэдээллийг сурталчлан таниулах, сургалт, семинар, уулзалт, зөвлөгөөн зохион байгуулахдаа холбогдох ажилтан, алба хаагчдыг урьж оролцуулж мэдээллээр хангах;
Талуудын гишүүн байгууллага хоорондын түншлэлийг өргөжүүлэх, зуучлах, тэдгээрийг холбох чиглэлээр үйл ажиллагаа зохион байгуулах;
Талууд өөрсдийн үйл ажиллагаатай холбоотой мэдээллийг харилцан солилцох замаар нөгөө талынхаа үйл ажиллагаанд хууль тогтоомжийн хүрээнд дэмжлэг үзүүлэх.
Хамтран ажиллах гэрээг МҮХАҮТ-ын Ерөнхийлөгч бөгөөд Удирдах зөвлөлийн дарга Л.Төр-Од, “Би Эн Ай Монгол” ХХК-ийн Ерөнхий захирал Э.Чинзориг нар үзэглэлээ.
