МҮХАҮТ Шанхай хотын худалдаа, аж үйлдвэрийн холбоотой хамтран ажиллах санамж бичиг байгууллаа
Шанхай хотын Худалдаа аж үйлдвэрийн холбоо, Шанхай хотын гадаад харилцааны албатай хамтран "Нэг бүс нэг зам шинэ боломж инновацын хөгжил Yangtze River" хэмээх үйл ажиллагааг 2019 оны 12 сарын 16-ны өдөр Сүжөү хотноо амжилттай зохион байгуулсан бөгөөд уг үйл ажиллагаанд Хятадын урд бүс нутгийн топ 200 компани, бизнес эрхлэгчид мөн 30 гаруй улсын бүрэн эрхт консул болон бусад худалдааны төлөөлөгч нар оролцлоо.
Энэхүү үйл ажиллагааны үеэр Хятадын урд бүс нутгын бизнес эрхлэгчдийн төлөөлөл болж Hentong Group, Universal Energy, Zhejiang Hailiang Group-н удирдлагууд "Гадаад хөрөнгө оруулалт хамтран ажиллах боломж" -уудыг талаар танилцуулж санал бодлоо солилцлоо. Энэ үйл ажиллагаанд Монгол улсыг төлөөлж Шанхай хотод суугаа дэд консул Л.Эрдэнэбаатар, МҮХАҮТ-ын төлөөлөгч Б.Мэлмүүн нар оролцжээ. Түүнчлэн МҮХАҮТ болон Шанхай Хотын Худалдаа Аж Үйлдвэрийн Холбоо нь хоёр талын эдийн засаг хөрөнгө оруулалтын хүрээнд хамтран ажиллах, ААН-үүдийн хөрөнгө оруулалт, хамтран ажиллах боломжуудыг дэмжин нэмэгдүүлэх зэрэг нөхцөл бүхий "Харилцан ойлголцлын санамж бичиг" байгуулжээ.
