Бизнес эрхлэгч эмэгтэйчүүдийг дэмжихэд хамтран ажиллана

“Цахим эдийн засаг дахь эмэгтэй экспортлогчдыг дэмжих” төслийн хүрээнд эмэгтэй бизнес эрхлэгчдийн өрсөлдөх чадварыг нэмэгдүүлэх, чадавхжуулах, санхүүгийн хүртээмжтэй байдлыг бий болгох, ажлын хүрээнд хамтран ажиллахаар санамж бичиг байгууллаа.

Талууд “Цахим эдийн засаг дахь эмэгтэй экспортлогчдыг дэмжих” төсөлд шалгарсан эмэгтэй удирдлагатай аж ахуй нэгжүүдийн мэдээлэл, сургалт болон шинэ зах зээл, хөрөнгө оруулалтын боломжуудаар хангах замаар эмэгтэй бизнес эрхлэгчдийн өрсөлдөх чадварыг нэмэгдүүлэх, мөн жендерийн тэгш оролцоог хангах бодлогын өмгөөлөлд дэмжлэг үзүүлэхэд хамтрах юм.

Санамж бичгийг МҮХАҮТ-ын Гүйцэтгэх захирал Б.Саруул, Голомт банкны Гүйцэтгэх захирал А.Одонбаатар нар үзэглэлээ.

Weide сан гэж юу вэ? Дэлхийн худалдааны байгууллага, олон улсын худалдааны төвийн хамтын санаачлагаар 50 сая ам долларын санхүүгийн дэмжлэг, техникийн туслалцаа, менторшип, олон улсын бизнесийн сүлжээнд нэвтрэх замаар бизнес эрхлэгч эмэгтэйчүүдийг чадавхжуулах зорилготой төсөл юм.