Элчин сайдууд болон бизнес эрхлэгчдийн бизнес уулзалт болж байна
Монгол улсаас хилийн чанадад суугаа 30 гаруй элчин сайд болон 60 гаруй бизнес эрхлэгчид хэрхэн Монгол улсаа дэлхийд сурталчилах болон Монгол брендинг бий болгох вэ сэдвээр нээлттэй хэлэлцэж байна.
МҮХАҮТ-ын ерөнхийлөгч О.Амартүвшин тус уулзалтыг нээж үг хэллээ. Тэрээр гадаад харилцааг эдийн засагжуулах, уул уул уурхайн бус экспортыг дэмжих, гадаадын хөрөнгө оруулалтыг татах, улс хоорондын худалдааны тарифын ба тарифын бус хоригтой холбоотой гарч байгаа асуудлыг шийдвэрлүүлэх талаар Гадаад Харилцааны Яам, гадаадад суугаа элчин сайдын яамд, худалдааны төлөөлөгчийн газруудтай цаашид нягт хамтран ажиллах болно. Мөн экспортын бүтээгдэхүүнийг сурталчлахад үндэсний болон салбарын нэгдсэн маркетинг, брэндингийн бодлого нэн чухал бөгөөд төр хувийн хэвшилийн хамтын ажиллагааг улам өргөжүүлэн нэгдсэн бодлогыг бий болгон ажиллах хэрэгтэйг онцоллоо.