Иргэний болон Захиргааны шүүхийн шийдвэр гүйцэтгэх тухай хуулийн төслийн хэлэлцүүлэг

Шүүхийн шийдвэр гүйцэтгэлийн тогтолцоонд хийж буй шинэтгэлийн хүрээнд Хууль зүй, дотоод хэргийн яамнаас боловсруулан олон нийтээс санал авч буй “Иргэний болон захиргааны хэргийн шүүхийн шийдвэрийн гүйцэтгэлийн тухай” болон дагалдах бусад хуулийн төслүүдийг бизнес эрхлэгчид, аж ахуйн нэгжүүд, бизнесийн холбоодын төлөөлөлд танилцуулж тэдгээрийн саналыг авах, хуулийн төсөлд тусгах зорилготой ажээ.

Хэлэлцүүлэгт Иргэний болон захиргааны шүүхийн шийдвэр гүйцэтгэх тухай болон дагалдах хуулийн төслүүдийн танилцуулгыг Хууль зүй, дотоод хэргийн яамны Хууль зүйн бодлогын газрын Хувийн эрх зүйн хэлтсийн дарга O.Оюунзул, Иргэний болон захиргааны шүүхийн шийдвэр гүйцэтгэх тухай хуулийн төслийг боловсруулахад ЕСБХБ-ны “Монгол Улсад арилжааны шүүхийн шийдвэрийн хэрэгжилтийг бэхжүүлэх нь” төслөөс үзүүлж буй дэмжлэг, зөвлөмжийн талаар ЕСБХБ төслийн хуулийн зөвлөх З.Шагдарсүрэн нар танилцууллаа.

Хуулийн төслүүдийг боловсруулахад ЕХ-ноос “Ковид-19-ийн дараах хямралд тэсвэртэй ЖДҮ-ийг Монголд бий болгох нь” хөтөлбөрийн хүрээнд санхүүжүүлж буй ЕСБХБ-ны “Монгол Улсад арилжааны шүүхийн шийдвэрийн хэрэгжилтийг бэхжүүлэх нь” техникийн хамтын ажиллагааны төсөл хамтран ажиллаж байна.

Хэлэлцүүлэгт ХЗДХЯ, ШШГЕГ, МҮХАҮТ, АмЧам, Монголын Бизнесийн Зөвлөл, Монголын банкны холбоо, МББСБХ, Монголын даатгалын холбоо, Монголын даатгалын зах зээлийн холбооны 60 гаруй төлөөлөл оролцон саналаа солилцов.