МҮХАҮТ-ЫН ЕРӨНХИЙЛӨГЧ Л.ТӨР-ОД “ХОЙД БҮСИЙН ЗӨВЛӨЛ” АНХДУГААР ХУРАЛДААНД ПАНЕЛИСТААР ОРОЛЦЛОО

Бүсчилсэн хөгжлийн бодлогын хүрээнд зохион байгуулагдаж байгаа “Хойд бүсийн зөвлөл” анхдугаар хуралдаан Булган аймагт энэ сарын 28-нд зохион байгуулагдлаа.

Хойд бүсийн зөвлөлийн анхдугаар хуралдааны хүрээнд:

-Хойд бүсийн хөгжил-2040

-Бүсийн хөрөнгө оруулалт-Хөгжлийн төсөл хөтөлбөрүүд

-Бүсийн зөвлөл-эрх зүйн орчин

-Бүсийн онцлог-харьцуулалт

-Амьдралын чанар, тулгамдсан асуудал гэсэн таван сэдвийн хүрээнд салбар хэлэлцүүлэг зохион байгууллаа.

МҮХАҮТ-ын ерөнхийлөгч Л.Төр-Од “Хойд бүсийн хөрөнгө оруулалт, хөгжлийн төсөл хөтөлбөрүүд” хэлэлцүүлэгт панелистаар ажиллалаа. Мөн панелистаар УИХ-ын гишүүн Ж.Бат-Эрдэнэ, УИХ-ын гишүүн,  УИХ дахь МАН-ын бүлгийн дарга Л.Мөнхбаатар, Хөвсгөл аймгийн ИХТ-ын дарга Д.Пүрэвдорж, ШУТИС-ийн Бизнесийн ахисан түвшний сургуулийн захирал Г.Баттүвшин, Орхон аймгийн ЗДТГ-ын Хамтын ажиллагаа, төсөл хөтөлбөрийн удирдагч Б.Оюун-Эрдэнэ нар оролцлоо.

“Хойд бүсийн зөвлөл” анхдугаар хуралдаанд Булган, Хөвсгөл, Орхон аймгийн салбар танхим, бизнес эрхлэгчдийн хамт оролцлоо.