МҮХАҮТ-ын Говь-Алтай аймаг дахь салбар танхим үүсч байгууллагадсаны 15 жилийн ой тохиож байна
Арга хэмжээг нээж тус аймгийн ИТХ-ын дарга, МҮХАҮТ-ын Говь-Алтай дахь салбар танхимын дарга Л.Батжаргал үг хэллээ.
Мөн аймгийн засаг дарга, МҮХАҮТ-ын Говь-Алтай дахь салбар танхимын Ерөнхийлөгч В.Рэнцэндоржийн мэндчилгээг Засаг даргын зөвлөх В.Сүррагчаа, МҮХАҮТ-ын Ерөнхийлөгч О.Амартүвшингийн мэндчилгээг Танхимын Гишүүнчлэлийн газрын дарга Б.Эрдэнэбат нар тус тус дэвшүүлэв.
Энэ үеэр Удирдлагын академийн багш доктор, профессор Д.Ганбаатар "Удирдлагын манлайлал-Байгууллагын хөгжил" сэдэвт сонирхолтой илтгэлийг сонордууллаа. Ойн баярын арга хэмжээ үргэлжилж байна.
Говь-Алтай аймагт салбар танхим үүсэн байгуулагдсаны 15 жилийн ойн баяраар МҮХАҮТ-ын нэрэмжит шагналуудыг гардуулах ёслол боллоо.
Ойн хүндэтгэлийн хурал, салбартаа үр бүтээл, тогтвор суурьшилтай ажиллаж буй хүмүүст шагнал гардуулах ёслолын ажиллагаа 2019 оны 12 дугаар сарын 12-ны өдөр зохион байгуулагдав.
Энэ үеэр Төрийн дээд “Алтангадас” одонгоор Шарга сумын тариаланч Д.Бямбатөгс, “Хөдөлмөрийн хүндэт медаль”-аар Хүлэмжийн аж ахуй эрхлэгч П.Гансүх, Халиун сумын тариаланч Д.Лхаажав нар шагнагдлаа.
Мөн “Тэргүүний барилгачин”-4, “Нийтийн аж ахуйн үйлчилгээний тэргүүний ажилтан”-3, “Хөдөлмөрийн тэргүүний ажилтан-2, “Худалдаа, аж үйлдвэрийн тэргүүний ажилтан-2, Хүнс, хөдөө аж ахуй, хөнгөн үйлдвэрийн яамны “Жуух бичиг”-ээр-2 хүн тус, тус шагнагдлаа.
МҮХАҮТ-ын “Бизнесийн эрхэмсэг оршихуй” шагналыг “Ентүм” ХХК-д, “Хийморь одон”-г Ш.Эрдэнэбат, Г.Оюунчимэг, Р.Дагвадорж, Х.Тунгалаг, Б.Цэрэнлувсан нарт хүртээж тус танхимын “Хүндэт жуух бичиг”-ээр-11, “Хүндэт өргөмжлөл”-өөр-11, “ENTEREPRENEURSHIP SPIRIT”-шагналаар-6, “GREENPRENEUR” шагналаар-4 аймгийн Иргэдийн Төлөөлөгчдийн хурлын “Жуух бичиг”-ээр-2, аймгийн Засаг даргын “Жуух бичиг”ээр-2 хүн тус, тус шагналаа.
Говь-Алтай аймаг дахь ХАҮТ-ын 15 жилийн ойг тохиолдуудан танхимын нийт гишүүд, бизнес эрхлэгчид, хамтран ажилладаг байгууллагууд, танхимын үе үеийн удирдлага, хамт олонд МҮХАҮТ-ын зүгээс баярын мэнд хүргэж хүндэтгэл үзүүллээ.
Мөн Завхан аймаг дахь ХАҮТ-ын удирдлага салбар танхимуудаа төлөөлөн хүрэлцэн ирж дурсгалын зүйл гардуулж мэндчилгээ дэвшүүллээ.
