МҮХАҮТ-ЫН НИЙТ АЖИЛТНУУД МОНГОЛ УЛСЫН ГАДААД БОДЛОГО, ЁСЛОЛЫН ДЭГ ЖУРАМ СУРГАЛТАД ХАМРАГДЛАА

МҮХАҮТ, Гадаад харилцааны яамтай хамтран  нийт ажилтнуудад зориулан Монгол Улсын гадаад бодлого, ёслолын дэг журам цуврал сургалтыг явууллаа.

Сургалтыг ГХЯ-ны Бодлогын газрын дэд захирал Д.Бямбадорж, ГХЯ-ны Дипломат ёслолын газрын дэд захирал Г.Батбаяр, Олон улсын харилцааны судлаач, профессор Д.Баярхүү, ГХЯ-ны Олон улсын худалдаа, эдийн засгийн газрын зөвлөх В.Энхболд нар удирдан явуулав.

Сургалтаар Дэлхийн худалдааны байгууллагын үндсэн зарчим ба Монгол улсын худалдааны бодлого Монгол улс бүс нутгийн худалдааны интеграцид нэгдэх үйл явц, гадаад бодлого, төрийн болон дипломат ёслолын арга хэмжээний талаар дэлгэрэнгүй мэдээлэл өгч, санал солилцлоо.