(JICA)-ИЙН МОНГОЛ ДАХЬ ТӨЛӨӨЛӨГЧИЙН ГАЗАРТАЙ ХАМТРАН АЖИЛЛАНА

2025/04/16 0

МҮХАҮТ-ын ЕНБД Б.Саруул Японы Олон Улсын Хамтын Ажиллагааны Агентлаг (JICA)-ийн Монгол дахь Төлөөлөгчийн газрын дарга Мияаги Кенсүкэ, Төлөөлөгчийн газрын сайн дурын гишүүд хариуцсан суурин төлөөлөгч Шигаёо Рёо нарыг хүлээн авч уулзлаа.

Тус уулзалтаар ЖАЙКА-аас МҮХАҮТ-д сайн дурын ажилтанаар томилогдон ирсэн Като Хидео-гийн 2 жилийн ажлын тайлантай танилцлаа.

ЖАЙКА-гийн сайн дурын гишүүн Като Хидео нь МҮХАҮТ-д 2023 оноос хойш 2 жилийн хугацаанд экспорт болон эскпортын маркетинг чиглэлээр ажиллаж Япон улс руу экспорт хийж буй аж ахуй нэгжүүдэд зөвлөгөө мэдээлэл өгөн ажилласан байна.

Мөн хоёр улсын бизнесүүдийг холбох, харилцан туршлага солилцох, Монгол улсад илүү олон чадварлаг мэргэжилтэнгүүдийг бэлтгэх, төсөл хөтөлбөрүүд хамтран хэрэгжүүлэх зэрэгт хамтын ажиллагаагаа идэвхжүүлэх тал дээр санал солилцов.