ХБНГУ-ЫН ТЮРИНГЕН МУЖИЙН ЭРФУРТ ХОТЫН ХУДАЛДАА АЖ ҮЙЛДВЭРИЙН ТАНХИМЫН ЕРӨНХИЙЛӨГЧ НОЁН БАУХАУС ДИТЕР ТАНХИМД ЗОЧИЛЛОО

МҮХАҮТ-ын Ерөнхийлөгч Л.Төр-Од ХБНГУ-ын Тюринген мужийн Эрфурт хотын Худалдаа аж үйлдвэрийн танхимын Ерөнхийлөгч Ноён Баухаус Дитер, Гүйцэтгэх захирал Ноён Фалбуш Томас болон бусад төлөөлөгчид, бизнес эрхлэгчдийг хүлээн авч уулзлаа.

Ерөнхийлөгч Л.Төр-Од МҮХАҮТ-н чиг үүрэг болон ХБНГУ-тай хамтын ажиллагаа, хамтран хэрэгжүүлж буй төсөл хөтөлбөрүүдийг танилцууллаа. Түүнчлэн Танхимын үйл ажиллагаа, хууль эрх зүйн орчныг сайжруулах, 21 аймгийн салбар Танхимуудын чадавхийг бэхжүүлэх, мэргэжлийн боловсрол, хүний нөөцийг бэлтгэх чиглэлд хамтын ажиллагаагаа эрчимжүүлэх хүсэлтээ илэрхийлэв.

ХБНГУ-ын Тюринген мужийн Эрфурт хотын Худалдаа аж үйлдвэрийн танхимын Ерөнхийлөгч Ноён Баухаус Дитер хэлсэн үгэндээ “ МҮХАҮТ-д мэргэжлийн боловсон хүчин бэлтгэх тогтолцоог нэвтрүүлэхэд бүхий л талаар дэмжин ажиллах” боломжтойг онцоллоо. ХБНГУ-н ААН-үүд өөрсдийн хэрэгтэй мэргэжилтнээ сургахаар захиалгыг өгч харин ХАҮТ-үүд үүнийг дэмжин 200-300 төрлийн хосмог сургалтыг хэрэгжүүлж боловсон хүчнийг бэлтгэн ажилладаг байна. ААН-ийн салбаруудын бүхий л төрлүүдийг багтаасан судалгааг явуулж байгууллагын ажилтнуудыг нарийн шалгаруулах явцын дагуу сонгон компаниудад хүлээн зөвшөөрөгдсөн мэргэжилтнүүдийг бэлтгэдэг юм гэлээ.