БИЗНЕСИЙН СЭРГЭЛТ ХӨТӨЛБӨРИЙН ХҮРЭЭНД ДҮҮРГҮҮДТЭЙ ХАМТРАН СУРГАЛТ ЗОХИОН БАЙГУУЛЛАА
МҮХАҮТ-аас Бизнесийн сэргэлт үндэсний хөтөлбөрийн хүрээнд жижиг, дунд бизнес эрхлэх боломжийг олгож, ажлын байрыг нэмэгдүүлэх замаар ядуурлыг бууруулах, бизнес эрхлэх урам зориг өгөх олон улсын туршлагыг багтаасан үндсэн ойлголтууд болон холбогдох хууль, эрхзүйн ерөнхий мэдлэг олгох сургалтыг УБ хотын Хан-Уул, БГД, СХД, Налайх дүүргүүдтэй хамтран цувралаар зохион байгууллаа.
Сургалтыг МҮХАҮТ-ын Бизнес ёс зүй, комплаенсын хүрээлэн хариуцан тус дүүргүүдийн ахмад настан, бизнес эрхлэгч эмэгтэйчүүд болон залуу бизнес эрхлэгчид зэрэг нийт 1000 гаруй хүнийг хамруулан сургаж, төгсөгчдөд олон улсад бестселлерээр шалгарсан “The personal MBA” номыг Сертификатын хамт гардуулан өглөө.
Сургалт Сүхбаатар дүүргийн бизнес эрхэгчдийг хамруулан үргэлжилнэ.
