ГОВЬСҮМБЭР АЙМГИЙН ХУДАЛДАА, ҮЙЛЧИЛГЭЭ, ҮЙЛДВЭРЛЭЛ ЭРХЛЭГЧИДТЭЙ УУЛЗАЛТ ХИЙЛЭЭ

Говьсүмбэр аймгийн Засаг дарга Т.Бат-Эрдэнийн урилгаар МҮХАҮТ-ын Гүйцэтгэх захирал А.Амартөгс аймгийн бизнес эрхлэгчтэй хийх уулзалтад оролцон бизнесийн орчныг сайжруулах, бизнес эрхлэгчдийг дэмжих чиглэлээр Танхимын хийж буй үйл ажиллагаа, үндсэн чиглэл, гишүүнчлэлийн шинэ журам, салбар танхимын хийж хэрэгжүүлсэн ажлын талаар танилцууллаа.

Мөн МҮХАҮТ, Аймгийн ЗДТГ, Салбар танхим хооронд гурвалсан гэрээ байгуулах, шинээр баригдаж буй ЖДҮ-ийн төвийн менежментийг бүхэлд нь салбар танхим хариуцан, бизнес инкубатор төв болгон ажиллуулахаар тохирлоо.

Уулзалтад төрийн болон бизнесийн салбарын 60 гаруй төлөөлөл оролцон орон нутагт бизнес эрхлэхэд тулгамдаж буй гол асуудлаар саналаа солилцлоо.