“АЖЛЫН БАЙРАН ДАХЬ СУРГАГЧ, ДАДЛАГАЖУУЛАГЧ” БЭЛТГЭХ ХӨТӨЛБӨРИЙГ ШИНЭЧЛЭН ЗОХИОН БАЙГУУЛЖ БАЙНА

Монголын Үндэсний Худалдаа Аж Үйлдвэрийн Танхим, GIZ Mongolia Германы олон улсын хамтын ажиллагааны нийгэмлэгтэй хамтран “Ажлын байран дахь сургагч, дадлагажуулагч” бэлтгэх хөтөлбөрийг шинэчлэн, эхний сургалтыг “Цахилгаан дамжуулах үндэсний сүлжээ” ТӨХК-ийн инженер, техникийн 23 ажилтнуудыг оролцуулан зохион байгуулж байна.

Тус сургалтад хамрагдсанаар:
•    Ажлын байран дахь сургалтыг төлөвлөх, хэрэгжүүлэх, үнэлэх
•    Шинэ ажилтныг ажлын байранд хүлээн авч, дасан зохицоход туслах
•    Мэргэжлийн ур чадварыг онол, практикийг хослуулан эзэмшүүлэх
•    Ажлын байранд зохицох ирээдүйн ажилтнаа хосмог сургалтаар сургах арга зүй, мэдлэг, чадварыг эзэмшин төгсөх юм.
Цаашид уг хөтөлбөрөөр хосмог сургалтыг  хэрэгжүүлэх компани, ААН-ийн ажлын байран дахь сургалт хариуцсан ажилтнуудыг мэргэшүүлэн сургах юм.