ОУХБ-ААС ТЕХНИКИЙН ТУСЛАЛЦАА ҮЗҮҮЛЭХ, ЧАДАВХЫГ БЭХЖҮҮЛЭХ ХӨТӨЛБӨРӨӨР ДАМЖУУЛАН МОНГОЛ УЛСЫН ХӨДӨЛМӨРИЙН ЗАХ ЗЭЭЛИЙГ ДЭМЖИНЭ

МҮХАҮТ-ын Ерөнхий Нарийн Бичгийн Дарга Б.Саруул Олон улсын хөдөлмөрийн байгууллагын (ОУХБ) Хятад, Монголыг хариуцсан суурин төлөөлөгчийн газрын захирал Чанги Ли, Зүүн, ОУХБ-ын Монгол дахь Үндэсний зохицуулагч П.Болормаа нарыг хүлээн авч уулзлаа.

Уг уулзалтаар МҮХАҮТ болон ОУХБ хоорондын хамтын ажиллагаа, Монгол улсад хөдөлмөрийн зах зээлийн хөгжил, хүний нөөцийн ур чадварыг нэмэгдүүлэх, хамтарсан судалгаа, төсөл хөтөлбөрүүдийг хэрэгжүүлэхээр тал дээр санал солилцов. 

МҮХАҮТ болон ОУХБ нь 2023 оноос эхлэн хамтын ажиллагаагаа эрчимжүүлж, хүний нөөцийн чадавхыг бэхжүүлэх, гишүүнчлэлийн стратеги боловсруулах, албан бус секторыг албажуулах хүрээнд хамтран ажиллаж байгаа юм.