ХЭРЭГЛЭГЧ-ТҮЛШ, ЭРЧИМ ХҮЧ СЭДВЭЭР ХЭЛЭЛЦҮҮЛЭГ БОЛЛОО

Монгол Улсын Их Хурлын даргын 2024 оны 09 дүгээр сарын 05-ны өдрийн №86 дугаар захирамжаар байгуулсан “Хэрэглэгчийн эрхийг хамгаалах тухай хууль (шинэчилсэн найруулга)-ийн төсөл боловсруулах үүрэг бүхий ажлын хэсэг МҮХАҮТ-тай хамтран Хэрэглэгч, түлш эрчим хүч сэдвийн хүрээнд анхны хэлэлцүүлгийг зохион байгуулж байна.

Хэлэлцүүлэгт Эрчим хүчний салбарын талаарх Бодлогын арга хэмжээ, Эрчим хүчний зохицуулах хорооны үйл ажиллагаа, Хэрэглэгчийн эрхийг хамгаалах тухай хуулийн танилцуулга зэрэг илтгэлүүдийг холбогдох албаны хүмүүс тавьж, оролцогчдын асуултад хариуллаа. 

Цаашид энэхүү хэлэлцүүлэг нь банк бус санхүү, хүнсний үйлдвэр үйлчилгээ, эм эмнэлэг, барилга үл хөдлөх зэрэг гол салбаруудыг хамруулан цувралаар хийгдэх ба тухайн бизнес эрхлэгчдийн саналыг нэгтгэн холбогдох байгууллагуудад хүргүүлэх юм. 

Хэлэлцүүлэгт УИХ-ын гишүүн Б.Бат-Эрдэнэ, МҮХАҮТ-ын Гүйцэтгэх захирал А.Амартөгс болон ажлын хэсгийн гишүүд, бизнесийн байгууллагын 50 гаруй төлөөлөл оролцов.