БУГАТ ХОТЫН ХУДАЛДААНЫ ТАНХИМТАЙ ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА
Өмнөговь аймаг дахь Салбар танхим Бугат хотын худалдааны танхим хооронд хамтран ажиллах санамж бичиг байгууллаа.
Талууд Хятад, Монголын эдийн засаг, худалдааны хамтын ажиллагааг хөгжүүлэх, хил дагасан аймаг хоорондын худалдааг хөгжүүлэх, төсөл хөтөлбөр хэрэгжүүлэх, ахуйн нэгжүүдийн хамтын ажиллагааг өргөжүүлэх талаар хамтран ажиллана.
Мөн эрчим хүч, ашигт малтмал, хөдөө аж ахуй, үйлдвэрлэл, дэд бүтцийн бүтээн байгуулалт зэрэг салбарт хөрөнгө оруулалтын хамтын ажиллагааг хөгжүүлж, аж ахуйн нэгжүүдэд хөрөнгө оруулалтын тохиромжтой боломжуудыг олоход нь хуулийн зөвлөгөө, үйлчилгээг үзүүлэх юм.
Санамж бичгийг Өмнөговь аймаг дахь Салбар танхимын дарга А.Амартөр үзэглэв.
Бугат хот нь хүнд машин механизм тоног төхөөрөмжийн үйлдвэр, ган болон титан төмөрлөгийн үйлдвэр, хөнгөн цагаан, төмрийн хүдэр болон газрын ховор элементийн уурхайд түшиглэсэн боловсруулах үйлдвэрүүдтэй.
Хятад улс нь дэлхийн газрын ховор элементийн бараг 90 хувийг хангадаг бөгөөд түүний 90 гаруй хувийг нь зөвхөн Бугат хотын Баян-Овоогийн ордоос олборлодог байна.
Газар зүйн байршлын хувьд Монгол улсын Дорноговь аймагтай хиллэдэг, авто замын Ханги-Мандалын боомтоор Монгол улстай холбогдсон, үйлдвэрлэл, гадаад худалдааг хөгжүүлсэн эдийн засгийн чухал ач холбогдол бүхий хот юм.
