БҮГД НАЙРАМДАХ УЗБЕКИСТАН УЛСААС МОНГОЛ УЛСАД ХАВСРАН СУУХ ЭЛЧИН САЙД НОЁН ФАРХОД АРЗИЕВЫГ ХҮЛЭЭН АВЧ УУЛЗЛАА

МҮХАҮТ-ын Ерөнхийлөгч Л.Төр-Од Бүгд Найрамдах Узбекистан Улсаас Монгол улсад хавсран суух элчин сайд ноён Фарход Арзиевыг хүлээн авч уулзлаа.

Уулзалтаар Узбекистан Улстай худалдааны эргэлтийг нэмэгдүүлэх, аж ахуйн нэгж хоорондын хамтын ажиллагааг бий болгоход харилцан мэдээлэл солилцох, үзэсгэлэн худалдаа зохион байгуулах, цаашдын хамтын ажиллагааг эрчимжүүлэх талаар санал солилцов.

Уулзалтад МҮХАҮТ-д Ерөнхий нарийн бичгийн дарга Б. Саруул, ГХХАГ-ын дарга Э.Солонго, Монгол базальт ХХК-ийн ТУЗ-ын дарга Л.Ариунболд нар байлцлаа.

Монгол базальт ХХК нь Өндөр технологийн аж үйлдвэрийн салбарт 20 гаруй жил амжилттай ажиллаж байгаа бөгөөд, Узбекистан Улсад салбар компаниа байгуулахаар бэлтгэл ажил хийгдэж байгаа юм.