АВЛИГЫГ БУУРУУЛАХ , БИЗНЕСИЙН ШУДАРГА БАЙДЛЫГ БЭХЖҮҮЛЭХ ТАЛААР ХАМТРАН АЖИЛЛАНА
МҮХАҮТ, АТГ хооронд бизнесийн таатай орчныг бүрдүүлэх,бизнесийн орчин дахь авлигыг зогсооход хувийн хэвшлийнхэнтэй хамтран ажиллах, бизнесийн ёс зүй, шударга байдлыг бэхжүүлэх зорилгоор санамж бичиг байгуулан ажиллаж байгаа.
Энэхүү ажлын хүрээнд МҮХАҮТ-ын Ерөнхийлөгч Л.Төр-Од, АТГ-ын АТҮХ-ийг хэрэгжүүлэх албаны дарга Д.Дуламсүрэн болон холбогдох албаны хүмүүс уулзаж санал солилцлоо.
Уулзалтын үеэр МҮХАҮТ-ын Ерөнхийлөгч Л.Төр-Од “Төрийн байгууллагаас үйлчилгээ авахад тулгарч буй хүнд суртал, авлига, ашиг сонирхлын зөрчлөөс байгууллагаа болон өөрсдийгөө хамгаалах шаардлага үүссэн энэ үед “Бизнесийн ёс зүй, шударга байдлыг бэхжүүлэх төсөл”-ийг хэрэгжүүлэхээр МҮХАҮТ-ын дэргэд “Бизнесийн ёс зүйн төв” үйл ажиллагаагаа явуулж байгаа.
Тус төв нь 21 аймгийн салбар танхимуудаар дамжуулан нийт гишүүн байгууллагууд, бизнес эрхлэгчдэд олон улсын жишиг болсон бизнесийн ёс зүйн стандарт, авлигын эсрэг хатуу зогсох зарчим,бусад шаардлагатай мэдээ мэдээлэл, сургалтыг тогтмол системтэйгээр хүргэдэг. Цаашид Авлигын эсрэг эрчимжүүлсэн төлөвлөгөө боловсруулан ажиллахад МҮХАҮТ, Бизнесийн Ёсзүйн төвийн зүгээс хамтран ажиллаж, гишүүн байгууллагуудаа идэвхтэй оролцуулах бүрэн боломжтойг онцоллоо.
