АЯЛАЛ ЖУУЛЧЛАЛЫН ҮЙЛЧИЛГЭЭНИЙ САЛБАРЫН В2В УУЛЗАЛТ БОЛЖ БАЙНА
“Аялал жуулчлалын 7 хоног” арга хэмжээний хүрээнд аялал жуулчлалын үйлчилгээний салбаруудын В2В уулзалт болж байна.
Уулзалтыг нээж МҮХАҮТ-ын Гүйцэтгэх захирал А.Амартөгс: Аялал жуулчлалын салбарт үйл ажиллагаа явуулдаг бүхий л үйлчилгээний байгууллагууд нэгдэж, уялдаа холбоогоо сайжруулах, аялал жуулчлалын бүтээгдэхүүн бий болгох тал дээр нэгдэн, уулзалт хийж буйд талархал илэрхийлээд МҮХАҮТ-ын гол үйлчилгээ болох Арбитрын үйл ажиллагаа, хууль эрх зүй, оюуны өмч, сургалт судалгаа, гишүүнчлэлийн талаар товч мэдээлэл өгөв.
Тэрээр Танхимын гишүүнчлэлийн асуудлыг шинэчлэх талаар бодлогын түвшинд нэлээд ажлууд хийгдэж байгааг дуулгаад , Та бүхний үйл ажиллагааг дэмжин хамтран ажиллахад танхимын үүд хаалга үргэлж нээлттэй гэдгийг хэллээ.
Арга хэмжээг Аялал жуулчлалын мэргэжлийн холбоо зохион байгуулж байгаа бөгөөд В2В уулзалт нь 2 өдрийн турш үргэлжлэх аж.
