МОНГОЛ-УЗБЕКИСТАНЫ БИЗНЕС ФОРУМ ӨНӨӨДӨР БОЛЖ БАЙНА
Монгол Узбекстаны бизнес форумд хоёр орны 200 орчим бизнес эрхлэгч оролцож байна
Форумыг нээж Монгол Улсын Засгийн газрын Шадар сайд С.Амарсайхан Монголын төр засгаас бизнесийн орчноо сайжруулж, хөрөнгө оруулалт татахад чиглэсэн бодлого арга хэмжээнүүд авч хэрэгжүүлж байгаа талаар онцлоод хоёр орны бизнес эрхлэгчид харилцан холбоо тогтоож, түншилж, хөрөнгө оруулалт хийж ажиллахыг уриалав.
МҮХАҮТ-ын Ерөнхийлөгч Л.Төр -Од, "МҮХАҮТ хоёр орны худалдаа, эдийн засаг, бизнесийн хамтын ажиллагааны цар хүрээ, нэр төрлийг нэмэгдүүлэх, өргөжүүлэх, бизнес эрхлэгчдэд хамтын ажиллагааны боломжийг нээж өгөх, өөр хоорондоо холбогдох боломжуудыг идэвхтэй хөгжүүлж байгаа бөгөөд, Узбекистаны Худалдаа, Аж үйлдвэрийн Танхимтай хамтран “Монгол-Узбекистаны Бизнес Форум” болон “Монгол-Узбекистаны Ажил хэргийн Зөвлөлийн Анхдугаар Хуралдаан”-ыг зохион байгуулж байгаадаа таатай байна." гэв.
Мөн тэрбээр Монголын эдийн засаг, бизнесийн орчны талаар илтгэл тавьж, Узбекистаны сэтгүүлчид болон бизнес эрхлэгчид мэдээ мэдээлэл өглөө.
Мөн нөөдрийн энэхүү уулзалтад Монгол Улсын мах, махан бүтээгдэхүүн, санхүү, барилгын үйл ажиллагаа эрхлэгчид зэрэг 40 гаруй компанийн төлөөлөгчид оролцож байна. Энэ нь хоёр орны бизнесийн хамтын ажиллагааг өргөжүүлэх, шинэ салбаруудад хөрөнгө оруулалт татах, эдийн засгийн хамтын ажиллагааг шинэ түвшинд гаргах томоохон алхам болно гэдгийг хэллээ.
Энэхүү ЗГ хоорондын комиссын анхны хуралдаанаар Хоёр улс орны ХҮАТанхимуудад УБ ба Ташкентын худалдаа-эдийн засгийн төлөөлөгчийн газрыг байгуулахаар тохиролцов.
