БҮСЧИЛСЭН ХӨГЖЛИЙН ҮНДЭСНИЙ ХҮРЭЭЛЭНТЭЙ ХАМТРАН АЖИЛЛАНА
МҮХАҮТ-ын удирдлагууд Бүсчилсэн хөгжлийн үндэсний хүрээлэнгийн гүйцэтгэх захирал Д.Эрдэнэбаяр болон газрын дарга нартай санал солилцох уулзалт хийлээ.
БХҮХ-ийн гүйцэтгах захирал Л.Эрдэнэбаяр Монгол Улсын бүсчилсэн хөгжлийн үзэл баримтлал, бодлого, хэрэгжүүлэх үйл ажиллагааны талаар товч танилцуулга хийв.
20 гаруй жилийн дараа УИХ-аар баталж, хөгжлийн бодлого болж, хурдтай хэрэгжиж эхэлж буй бүсчилсэн хөгжлийн үзэл баримтлалын гол зорилго улс орныг бүсчлэн хөгжүүлэх, Улаанбаатар хотын бөөгнөрлийг задлахад чиглэж байгаа юм.
Хамгийн гол зорилго бол хувийн хэвшилд тулгуурлан бүсчилсэн хөгжлийн бодлогыг хэрэгжүүлж ажиллана. Бизнес эрхлэгч, хөрөнгө оруулагчид бол Бүсчилсэн хөгжлийн бодлогын гол оролцогч тал байна гэдгийг Д.Эрдэнэбаяр захирал онцолж байна.
Бүсчилсэн хөгжлийн бодлогыг улсын хэмжээнд хэрэгжүүлж, үр дүн гаргаж ажиллахын тулд Бүсчилсэн хөгжил хөдөлгөөн өрнүүлэх гэж байгаа аж. Энэ хүрээнд төрөл бүрийн арга хэмжээг бүсчлэн явуулахаар төлөвлөжээ. Тиймээс хувийн хэвшил, бизнес эрхлэгчдийн дуу хоолой болсон МҮХАҮТ-тай нягт хамтран ажиллаж бүсчилсэн хөгжлийн бүсүүдийн форумуудыг хамтран зохион байгуулж ажиллана.
МҮХАҮТ, Бүсчилсэн хөгжлийн үндэсний хүрээлэнтэй Санамж бичигт гарын үсэг зурж төр хувийн хэвшлийн түншлэлийн хүрээнд хамтран ажиллахаар боллоо.
