Орон нутаг дахь мэргэжлийн хяналтынхан бизнес эрхлэгчдээ сонсч байна
МҮХАҮТ-аас Шадар сайдын ажлын алба, МХЕГ, НМХГ болон ШӨХТГ-тай хамтран мэргэжлийн хяналтын байгууллагын үйл ажиллагаатай холбоотой асуудлаар Монгол Улсын Шадар сайд Ө.Энхтүвшингийн бизнес эрхлэгчидтэй хийх нээлттэй уулзалтыг 2019 оны 10 дугаар сарын 23-ны өдөр зохион байгуулж 70 гаруй салбарын 250 гаруй бизнес эрхлэгч оролцон 17 асуулт, 42 санал хүсэлт тавьсныг МҮХАҮТ-аас нэгтгэн Засгийн газарт хүргүүлэхээр гардуулсан юм.
Дээрх уулзалтын мөрөөр орон нутаг дахь мэргэжлийн хяналтын газрууд салбар танхимуудтай хамтран бизнес эрхлэгчдээ сонсох уулзалт арга хэмжээг зохион байгуулж байгаа бөгөөд одоогоор Дорноговь, Дундговь, Завхан, Өмнөговь, Увс, Ховд, Хөвсгөл, Сэлэнгэ аймгуудаас уулзалтын тайлангуудыг ирүүллээ.
Эдгээрт нийт 1000 гаруй бизнес эрхлэгч оролцож, санал бодлоо илэрхийлсэн бөгөөд орон нутгийн дотоод нөөц бололцоонд тулгуурлан шийдэх боломжтойг хэрэгжүүлж эхлэн, улсын хэмжээнд шийдвэрлэх шаардлагатай саналуудыг МХЕГ ба МҮХАҮТ-д уламжилж байна.
