ШИНЭ ГИШҮҮДЭД ГЭРЧИЛГЭЭ ГАРДУУЛЛАА
МҮХАҮТ-д 2024 оны IV улиралд шинээр гишүүнээр элссэн 100 гаруй аж ахуйн нэгж, байгууллагуудад “Гишүүний гэрчилгээ”-г гардуулан өгөх арга хэмжээг зохион байгууллаа.
Тус аж ахуйн нэгжүүд нь Танхимаас зохион байгуулж байгаа гадаад дотоодын арга хэмжээ, үзэсгэлэн худалдаанд оролцох, бизнесийн түншлэлээ өргөжүүлэх, танхимын мэдээллийн нэгдсэн сүлжээгээр мэдээ мэдээлэл, бараа бүтээгдэхүүнээ сурталчлан таниулах боломжтойгоос гадна гишүүнчлэлийн ангиллаас хамаарч танхимаас үзүүлдэг үйлчилгээнүүдэд хөнгөлөлт эдлэх давуу талтай юм.
Гэрчилгээг МҮХАҮТ-ын Гүйцэтгэх захирал А.Амартөгс,дэд захирал Г.Мягмаржав, Гишүүнчлэлийн газрын дарга М.Очирбат нар гардуулан өгч баяр хүргэн, бизнесийн үйл ажиллагаанд нь амжилт хүслээ.
Мөн арга хэмжээний үеэр бизнесийн арга туршлага, татварын хууль тогтоомжийн тухай ойлголт, хуулийн хэрэгжилтэд анхаарах асуудал, мэдээллийн аюулгүй байдал, бизнесийн өсөлтөд зориулсан цахим шийдлүүдийн талаар гишүүн компанийн төлөөллүүд илтгэл тавьж, В2В уулзалт хийв.
Хатан сүлжээ ХХК-ийн Ерөнхий захирал Б.Бадамханд: Тэрээр МҮХАҮТ-ын гишүүн болоод 30 гаруй жил болж байгаа. Мөн танхимын Удирдах зөвлөл болон тэргүүлэгч гишүүнээр нэлээдгүй хугацаанд сонгогдон ажиллаж байна. Ноос ноолуурын салбартаа анхдагч, манлайлагч тэрээр танхимынхаа эмэгтэй бизнес эрхлэгчдийг нэгтгэсэн зөвлөлийг амжилттай удирдан чиглүүлж олон арга хэмжээг санаачлан хэрэгжүүлсэн талаараа шинэ гишүүдэд мэдээлэл өгч амжилт хүслээ.
Татварын хуулийн тухай ойлголт, түүнийг дагасан хуулийг хэрэгжүүлэх, татварын эрсдлээс хамгаалахад анхаарах асуудлын талаар Ди Эйч эйич Лоо Монголий ХХК-ийн санхүү татварын үйлчилгээ хариуцсан захирал Я.Батжаргал зөвлөгөө мэдээлэл өгч, Захирлуудын хандлага ямар байхаас компанийн санхүүгийн ирээдүй шалтгаална хэмээн онцлон хэллээ.
МҮХҮАТ-ын Бизнесийн комплаенс, ёс зүйн зөвлөлийн Л.Пагамсүрэн: Авлигын эрсдэлийг үнэлэх зааварчилгааны талаарх мэдээллийг өгөв.
Аливаа байгууллагад мэдээллийн аюулгүй байдал хамгийн чухал тул эл асуудлаар Ларикс индастриз ХХК-ийн Гүйцэтгэх захирал Б.Алтангэрэл өөрийн туршлагаасаа хуваалцлаа.
