МАЛЫН ГАРАЛТАЙ БҮТЭЭГДЭХҮҮНИЙГ ЭКСПОРТЛОХ БОЛОМЖТОЙ

Монгол, Туркийн бизнес, хөрөнгө оруулалтын форумын үеэр Монгол Улсын Тэргүүн Шадар сайд, ЭЗХ-ийн Л.Гантөмөр БНТУ-ын Худалдааны сайд Omer Bolat-тай уулзалт хийлээ.

Тус уулзалтаар Монголын талаас гол хөрөнгө оруулалт авах салбарууд бол арьс шир, ноос ноолуур, уул уурхай гэдгийг тодотгосон бол Туркийн Худалдааны сайд халал стандартыг маш сайн хангасан малын гаралтай бүтээгдэхүүнийг экспортлох боломжийн талаар ярьсан болно.  

Арьс шир, мал ажуйн чиглэлээр түүхий эд бэлтгэн нийлүүлэх боломж Монгол Улсад бүрэн байгаа тухайд хоёр орны сайдууд санал солилцож, эдгээр салбарт хөрөнгө оруулалт татаж, хамтран ажиллах боломж нөхцөлүүдийг бүрдүүлэн ажиллах тухай яриа хэлэлцээр хийсэн байгаа.

Мөн БНТУ-ын их дээд сургуульд суралцаж төгссөн 2500 монгол байгаа мэдээлэл өглөө. Эдгээр залуус нь манай хоёр улсын соёлын болоод бизнес эдийн засгийн салбарт элч төлөөлөгчид болж ажиллаж байна.

Тиймээс Туркийн Засгийн газрын тэтгэлэг, оюутан солилцооны хөтөлбөрт хамрагдах боломжийг илүү нэмэгдүүлж ажиллах нь чухал ач холбогдолтойг онцолсон.

Уулзалтад МҮХАҮТ-ын Ерөнхийлөгч Л.Төр-Од болон бусад албаны хүмүүс оролцлоо.