МОНГОЛ, ТУРКИЙН БИЗНЕС ЭРХЛЭГЧДИЙН B2B УУЛЗАЛТ БОЛЛОО
Монгол, Туркийн бизнес, хөрөнгө оруулалтын форумын үеэр хоёр орны бизнес эрхлэгчдийн B2B уулзалт боллоо.
Энэхүү уулзалт нь бизнес эрхлэгчдэд нүүр тулан уулзаж, танилцах, ярилцах боломжийг олгодгоороо онцлог юм. БНТУ-ын ХАҮТ-ууд болон Биржүүдийн холбоо B2B уулзалтад ач холбогдол өгч, хоёр орны бизнес эрхлэгчид идэвхтэй оролцож, 10 орчим гэрээ хэлэлцээрүүдийг хийж, бизнес, хөрөнгө оруулалтын түвшинд хамтран ажиллахаар боллоо.
БНТУ-ын хөрөнгө оруулагч, ААН, бизнес эрхлэгчид Монгол Улсын барилга, уул уурхай, хөдөө аж ахуй, хөнгөн үйлдвэрлэл, савхи, ноос ноолуурын салбарыг түлхүү сонирхож буйгаа илэрхийлж байсан бол Монголын бизнесмэнүүд Турк улсын хөдөө аж ахуй, барилга, тоног төхөөрөмж, хөнгөн ба хүнс үйлдвэрлэл, мөн эрүүл мэндийн салбарыг түлхүү сонирхож байлаа.
В2В уулзалтын дараа форумд оролцож буй аж ахуйн нэгжийн төлөөллүүд Туркийн томоохон аж ахуйн нэгжийн үйл ажиллагаатай танилцах аяллыг хийлээ.
