МҮХАҮТ-ЫН ЕРӨНХИЙЛӨГЧ Л.ТӨР-ОД ОРОН НУТГИЙН САЛБАР ТАНХИМЫН УДИРДЛАГУУДТАЙ УУЛЗАЛТ ХИЙЛЭЭ
МҮХАҮТ нь 21 аймагт салбар танхимтай бөгөөд, тус салбар танхимууд нь орон нутагт бизнес, хөрөнгө оруулалтын орчныг сайжруулах, гишүүд, бизнес эрхлэгчдийнхээ үйл ажиллагааг дэмжих, олон талт хамтын ажиллагааг өргөжүүлэн хөгжүүлэхэд анхаарч ажилладаг.
МҮХАҮТ-ын Ерөнхийлөгч Л.Төр-Од, Салбар танхимуудын өнгөрсөн онд хийж хэрэгжүүлсэн болон 2025 онд хийхээр төлөвлөж буй ажлуудын талаар санал солилцлоо. Мөн өөрийнхөө мөрийн хөтөлбөрт тусгасны дагуу салбар танхимуудын үйл ажиллагааг бэхжүүлэхэд анхаарч ажиллана гэдгээ илэрхийлээд, эхний ээлжинд салбар танхимуудыг өөрийн гэсэн байртай болоход нь санхүүгийн дэмжлэг үзүүлнэ гэдгээ хэллээ.
Уулзалтад оролцсон салбар танхимын удирдлагууд өнгөрсөн онд хийсэн ажлуудаа товч танилцуулан, цаашид салбар танхимын ажилчдын нийгмийн асуудал, гадаад дотоодын богинын болон урт хугацааны сургалтад хамруулах, бүсчилсэн хөгжлийн форум, семинар зэрэг мэдээ мэдээллээр хангахад дэмжлэг үзүүлэн ажиллахыг Танхимын шинэ удирдлагуудаас хүслээ.
Уулзалтад МҮХАҮТ-ын Гүйцэтгэх захирал А.Амартөгс, Ерөнхий нарийн бичгийн дарга Б.Саруул, Ерөнхий менежер Л.Батсайхан нар оролцлоо.
