МҮХАҮТ-ЫН УДИРДАХ ЗӨВЛӨЛИЙН ХУРАЛ БОЛЖ, ГҮЙЦЭТГЭХ ЗАХИРЛЫГ СОНГОЛОО
МҮХАҮТ-ын Удирдах зөвлөлийн ээлжит хурал болж, 2024 оны бодлогын өмгөөлөл, үйл ажиллагаа, санхүүгийн тайлан, 2025 оны зорилго, үйл ажиллагааны үндсэн чиглэл, санхүүгийн төсвийг батлах зэрэг асуудлуудыг хэлэлцэн шийдвэрлэлээ.
Удирдах зөвлөлийн гишүүдийн зүгээс 2025 онд эдийн засаг, бизнест үзүүлж буй эрсдэлийг бууруулах, санхүүгийн тогтвортой байдлыг бий болгох, салбар танхимуудын үйл ажиллагааг дэмжих зэрэгт илүү анхаарах шаардлага байгааг онцоллоо.
Тус хурлаар Танхимын гүйцэтгэх захирлын сонгуулийг явуулан 78 хувийн саналаар Амгалангийн Амартөгс сонгогдлоо. Тэрээр сүүлийн 14 жилийн хугацаанд хүний нөөц, борлуулалт, маркетинг, харилцагчийн үйлчилгээ, сургалт консалтингийн чиглэлээр ажиллаж, арвин туршлага хуримтлуулсан ажээ.
“МҮХАҮТ-ын Ерөнхийлөгч, Удирдах зөвлөлийн дарга Л.Төр-Од: Танхимын нэр хүнд, үр нөлөөг дээшлүүлж нийт бизнес эрхлэгч бүрд боломжийг бүрдүүлж хүрч ажиллах чиг үүрэг, эрх зүйн таатай орчин нөхцөлийг бүрдүүлэн ажиллана.
Мөн МҮХАҮТ-ын орон нутгийн салбар танхимын үйл ажиллагааг эрс сайжруулан хөгжүүлэхээ илэрхийлж. Төрийн Бүсчилсэн хөгжлийн бодлоготой Танхимын бодлогыг уялдуулж, 7 бүсийн гарааны бага бизнес, жижиг ба дунд үйлдвэрлэлийг нэмэгдүүлэх зорилгоор бүс нутаг бүрд брэнд бүтээгдэхүүн хөгжүүлнэ гэдгээ тэрээр дахин хэллээ.
МҮХАҮТ-ын Гүйцэтгэх захирал Амгалангийн Амартөгсийн товч намтар
Ажлын туршлага
Creative consulting institute
Үүсгэн байгуулагч & СЕО 2023 одоог хүртэл
Хувь хүний хөгжлийн коуч, ментор хийх, боловсролын контент бүтээх, боловсрол, бизнес менежментийн чиглэлээр зөвлөх үйлчилгээ үзүүлэх.
Killer Williams Mongolia
Гүйцэтгэх захирал /СЕО 2021-2023
ҮХХ-ийн компанийн стратеги боловсруулах, борлуулалтын төлөвлөгөө боловсруулах, сонгон шалгаруулалт хийх, сургаж хөгжүүлэх, санхүүгийн тайлан тооцоолол гаргах.
Алтан Жолоо Импекс
Маркетинг борлуулалтын албаны захирал 2015 – 2016 он
Компанийн маркетинг борлуулалтын бодлогыг тодорхойлж, хэрэгжүүлэх, гадаад хамтын ажиллагаа, брэнд бүтээгдэхүүний маркетинг, зах зээлийн судалгаа зохион байгуулах
Скайтел ХХК
Хэрэглэгчийн үйлчилгээний газрын захирал 2012 – 2015 он
Хөдөлмөрийн харилцааг удирдах, дотоод дүрэм журам боловсруулах, хяналт тавих, цалин, сургалт, хөгжүүлэлтийн бодлого боловсруулах.
Мобиком ХХК
Хүний нөөц, сургалтын мэргэжилтэн 2008 – 2012 он
Компанийн сургалтын нэгдсэн төлөвлөгөө боловсруулах, сургалт зохион байгуулах, хэрэгжилт, үр дүнг хянах, тайлагнах.
Сонгуульт ажил
Удирдах зөвлөлийн гишүүн 2014-2018 он
Монголын маркетингийн холбоо
Хөтөлбөр шагналын хорооны НБД 2014-2015 он
JCI / Монгол
Гишүүн, сургалтын хороон дарга 2012-2017 он
