Эмэгтэй бизнес эрхлэгчдэд зориулсан WOMENOWNED.MN вэбсайт ажиллаж эхэллээ
МҮХАҮТ "Голомт" банктай хамтран бизнес эрхлэгч эмэгтэйчүүдийг чадавхжуулах, бүтээмжийг дээшлүүлэх, уул уурхайн бус экспортыг нэмэгдүүлэх, тогтвортой санхүүжилтыг дэмжих, тэдэнд тулгарч байгаа зах зээлийн саад бэрхшээлийг арилгах, бүтээгдэхүүн, үйлчилгээний ялгарлыг бий болгох, эмэгтэй удирдлагатай бизнесийг олон нийтэд таниулан сурталчлах зорилгоор “WOMEN OWNED” тохирлын тэмдгийг санаачлан, хэрэгжүүлж байгаа билээ.
Тэгвэл эмэгтэй бизнес эрхлэгчдэд иж бүрэн мэдээлэл өгөх www.womenowned.mn вэбсайтыг ашиглалтад оруулж, нээлээ. Та бүхэн энэхүү сайтаар зочилж, “WOMEN OWNED” тохирлын тэмдэг гэж юу вэ, энэ тэмдгийг хэрхэн авах, ямар давуу тал үүсэх вэ зэрэг мэдээлэл авахаас гадна тохирлын тэмдэг авч үйл ажиллагаа явуулж буй аж ахуйн нэгжүүдтэй танилцаж, тэдний эгнээнд нэгдэх боломжтой.
“Women owned” тэмдгийг тодорхой шалгуур хангасан, нийт хувь нийлүүлэгчдийн 50-иас дээш хувь нь эмэгтэй, эсвэл эмэгтэй удирдлагатай, ажилчдынх нь 50-иас дээш хувь нь эмэгтэй ажилчинтай бизнес эрхлэгчдэд олгох боломжтой. Энэхүү гэрчилгээг авсанаар бизнес эрхлэгчид “Голомт” банк болон МҮХАҮТ-аас явуулж байгаа бүхий л сургалт, дэмжлэгүүд, олон улсын үзэсгэлэнд оролцох боломж бүрдэх юм.
