“ЭНТРЕПРЕНЁР” шагнал гардуулах ёслолын шалгаруулалтын материал хүлээж авах хугацааг энэ сарын 18-ныг дуустал сунгалаа

2024/12/13 0

Монгол улсын нийгэм, эдийн засгийн хөгжилд бодитой хувь нэмэр оруулж буй МҮХАҮТ-ын гишүүн, шилдэг аж ахуйн нэгж, байгууллага, бизнес эрхлэгчийг шалгаруулах, олон нийтэд сурталчлан таниулж, алдаршуулах “ЭНТРЕПРЕНЁР” шагнал гардуулах ёслол хүндэтгэлийн арга хэмжээг 27 дахь жилдээ зохион байгуулах гэж байна.

Шалгаруулалтад материал хүлээж авах хугацаа энэ сарын 12-ны 17:00 цагаар дуусгавар болсон ч аж ахуйн нэгжүүдийн хүсэлтийн дагуу хугацааг энэ сарын 18-ныг дуустал сунгалаа. Та бүхэн эл өдрийг хүртэл шалгаруулалтад амжиж материалаа ирүүлээрэй.

Эрхэм бизнес эрхлэгч, аж ахуйн нэгжүүд та бүхэн байгууллага, хамт олноороо нэгэн үдэш цугларч, салбарынхаа шилдгүүдийг тодруулж, хамтдаа баярлах өдрүүд ойртож байна.