ӨМӨЗО-ны Алшаа аймагтай хөрөнгө оруулалт татах зорилгоор хамтран ажиллана
Энэ жил БНХАУ, Монгол Улсын хооронд дипломат харилцаа тогтоосны 75 жилийн ой тохиож байгаа бөгөөд хоёр улсын уул уурхай, авто замын тээвэр, үндсэн дэд бүтцийн бүтээн байгуулалт, соёл, аялал жуулчлал, хөдөө аж ахуй, мал аж ахуйн салбаруудын худалдаа, эдийн засгийн хамтын ажиллагааг ахиулах зорилгоор ӨМӨЗО-ны Алшаа аймгийн Худалдааг дэмжих хороо, Монгол, Өвөр Монголын Бизнесийн Ерөнхий холбооны төлөөлөгчид МҮХАҮТ-ын Гүйцэтгэх захирлын үүргийг түр орлон гүйцэтгэгч Ц.Магнайбаатартай уулзаж, санал солилцлоо.
Улмаар уулзалтын үр дүнд Хятад Улсын олон Улсын худалдааг дэмжих хорооны Алшаа аймгийн зөвлөлийг төлөөлөн Алтан-Уул дарга, МҮХАҮТ-ыг төлөөлөн Гүйцэтгэх захирлын үүргийг түр орлон гүйцэтгэгч Ц.Магнайбаатар нар хамтын ажиллагааны санамж бичигт гарын үсэг зурлаа.
Санамж бичгийн гол зорилго нь Алшаа аймаг болон Монгол Улсын хооронд эдийн засаг, худалдаа, аялал жуулчлал, хөрөнгө оруулалтын харилцааг өргөжүүлэхэд дэмжлэг үзүүлэх, талуудын бизнес эрхлэгчид байгууллага, компаниудын харилцааг бэхжүүлэх, харилцан ашигтай хамтын ажиллагааг нэмэгдүүлж, хөрөнгө оруулалт татах зорилготой юм.
