“She leads”: Эмэгтэй бизнес эрхлэгчид хамтын ажиллагаа өрнүүлж, бүтээгдэхүүн үйлчилгээгээ сурталчилна
МҮХАҮТ "Голомт" банктай хамтран бизнес эрхлэгч эмэгтэйчүүдийг чадавхжуулах, бүтээмжийг дээшлүүлэх, уул уурхайн бус экспортыг нэмэгдүүлэх, тогтвортой санхүүжилтыг дэмжих, тэдэнд тулгарч байгаа зах зээлийн саад бэрхшээлийг арилгах, бүтээгдэхүүн, үйлчилгээний ялгарлыг бий болгох, эмэгтэй удирдлагатай бизнесийг олон нийтэд таниулан сурталчлах зорилгоор “WOMEN OWNED” тохирлын тэмдгийг санаачлан, хэрэгжүүлж байгаа билээ.
“Women Owned” тохирлын тэмдгийг одоогоор 50 гаруй ААН аваад байгаа бөгөөд тэдний хамтын ажиллагааг өрнүүлэх, бүтээгдэхүүн үйлчилгээг сурталчлах зорилгоор “She leads” арга хэмжээг 2024 оны 12 дугаар сарын 5-нд 16:00 цагаас Монголын уран зургийн галерейд зохион байгуулах гэж байна.
Тус арга хэмжээний үеэр www.womenowned.mn вэбсайтийг танилцуулахаас гадна МҮХАҮТ, "Голомт" банк, "Скайхайпермаркет" ХХК хамтран ажиллах Санамж бичигт гарын үсэг зурах юм. Мөн МҮХАҮТ-ын дэргэдэх “Shetrades Hub” хөтөлбөрийн танилцуулга хийнэ.
