БНТУ-аас Монгол Улсад суугаа Онц бөгөөд Бүрэн эрхт Элчин сайд ноён Зафер Атеш МҮХАҮТ-ын Ерөнхийлөгч Л.Төр-Одыг хүлээн авч уулзлаа
БНТУ-аас Монгол Улсад суугаа Онц бөгөөд Бүрэн эрхт Элчин сайд ноён Зафер Атеш МҮХАҮТ-ын Ерөнхийлөгч Л.Төр-Одыг хүлээн авч уулзлаа.
Уулзалтаар хоёр улс хоорондын худалдаа, эдийн засгийн хамтын ажиллагааг эрчимжүүлэхээр хэд хэдэн асуудлаар санал солилцлоо. Тодруулбал,
1. БНТУ-ын Олон Улсын Эдийн засгийн харилцааны зөвлөл /DEIK/-ийн шинээр сонгогдсон даргатай энэ сарын дундуур цахимаар уулзаж мэдээлэл солилцохоор тохирлоо.
2. Ирэх оны нэгдүгээр сард Монгол Улсаас БНТУ-д хийх төрийн дээд айлчлалын үеэр хамтарсан "Бизнес форум" зохион байгуулахаар тогтов.
3. Ирэх онд Засгийн газар хоорондын Эдийн засаг, худалдааны хамтарсан хорооны хуралдаан Монгол Улсад зохион байгуулахаар болов.
Мөн хэрэгжиж буй хамтарсан дэд бүтцийн мега төслүүд, халал махны экспорт, махны худалдаа, иргэний нисэхийн харилцааны талаар шинэ мэдээллүүд солилцож, цаашид эдгээр асуудлууд дээр нягт хамтран ажиллахаар боллоо.
