Монгол Улсын Ерөнхийлөгчийн зөвлөхүүд МҮХАҮТ-ын Ерөнхийлөгч Л.Төр-Одыг хүлээн авч, уулзлаа

Монгол Улсын Ерөнхийлөгчийн Гадаад бодлогын зөвлөх Э.Одбаяр, Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр нар Монголын Үндэсний Худалдаа, Аж үйлдвэрийн танхимын Ерөнхийлөгч Л.Төр-Одыг хүлээн авч уулзлаа. 

Уулзалтаар талууд бодлогын түвшинд хэрхэн хамтран ажиллах талаар болон цаашдын ажлын төлөвлөгөөгөө ярилцлаа. Тухайлбал, Монгол Улсын Ерөнхийлөгчийн санаачилсан “Хүнсний хувьсгал”-ын хүрээнд авч хэрэгжүүлж байгаа арга хэмжээнд Монголын Үндэсний Худалдаа, Аж үйлдвэрийн танхим нягт хамтран ажиллахаа илэрхийлсэн юм.