МҮХАҮТ-ын Ерөнхийлөгч Л.Төр-Одод тамгыг нь гардуулж өглөө
МҮХАҮТ-ын ээлжит бус XXII их хурал өчигдөр буюу 2024 оны 11 дүгээр сарын 28-ны өдөр “Уран Ган-UG Palace Event Hall”-д болж өндөрлөсөн. Энэ хурлаар МҮХАҮТ-ын Ерөнхийлөгчөөр “Цахим байшин” ХХК-ийн ТУЗ-ийн гишүүн Л.Төр-Одыг сонгосон юм.
Тэгвэл өнөөдөр /2024.11.29/ МҮХАҮТ-ын дэд захирал Ц.Магнайбаатар болон газруудын дарга нар, орон нутгийн салбар танхимын дарга нарын төлөөлөл шинэ Ерөнхийлөгчөө хүлээн авч уулзаж, тамгыг нь гардуулан өглөө.
Тэрбээр хурлын дараа хэлсэн үгэндээ "МҮХАҮТ 6000 гаруй гишүүнтэй. Гэхдээ Монгол Улс даяар том, жижиг, гарааны, старт-ап гээд 90000 бинес эрхлэгч бий. Тэр бүгдийн төлөө би ажиллана. Ерөнхийлөгч бол удирдах зөвлөлийн л нэг ажил, албан тушаал. Би үүргийг нь гүйцэтгэнэ. Удирдлагыг хамтын удирдлага, хамтын хариуццлага гэж үздэг. Гол нь би эрх гэхээсээ илүү үүргээ ухамсарлаж ажиллахыг амлаж байна" хэмээсэн юм.
