(+976) 7727-7070
info@mongolchamber.mn
08:30 - 17:30
Ажлын цаг

“Аялал жуулчлалын салбарт тулгарч буй асуудал, төр хувийн хэвшил хамтарч шийдвэрлэх нь” сэдэвт уулзалт, хэлэлцүүлэг боллоо

2019/12/01 0

МҮХАҮТ-ын дэргэдэх “Аялал жуулчлалын зөвлөлөөс санаачлан БОАЖЯамтай хамтран зохион байгуулсан тус арга хэмжээнд Монголын аялал жуулчлалын холбоо, тур оператор компаниудын төлөөлөл, аялал жуулчлал хөгжлийн төв зэрэг байгууллагуудын төлөөллүүд оролцож аялал жуулчлалын салбар, төр хувийн хэвшлийн хамтын ажиллагааны талаар нээлттэй хэлэлцсэн юм.

БОАЖЯамнаас Төрөөс аялал жуулчлалыг хөгжүүлэх талаар баримтлах бодлого, аялал жуулчлалын салбарт хэрэгжүүлсэн болон хэрэгжүүлж байгаа арга хэмжээний талаар танилцуулж хуралд оролцогчдийг зүгээс сонирхсон асуултууддаа хариулт авсан юм. Уулзалтын үеэр аялал жуулчлалын салбарт үйл ажиллагаа явуулдаг бүхий л байгууллагууд нэгдэж, уялдаа холбоогоо сайжруулах, аялал жуучлалын бүтээгдэхүүн бий болгох, үүндээ хэн хэн оролцох, ямар үйлчилгээ бий болгохоо тодорхой болгох, ялангуяа гадаадад Монголыг сурталчлахдаа нэгдсэн брэндинг бий болгох шаардлагатай байгаа зэрэг олон асуудлуудыг хөндсөн юм.

Уулзалтын үр дүнд МҮХАҮТ-ын дэргэдэх аялал жуулчлалын зөвлөлөөс

  1. Тур оператор компаниудын журам
  2. Аялал жуулчлалын арга хэмжээний стандарт
  3. Жуулчны баазын үйлчилгээний журам
  4. Зочид буудал үйлчилгээний журам

Эдгээр 4 асуудлуудаар байгууллагууд хэрхэн бодлогын хувьд хамтран ажиллах, хоорондоо хэрхэн ойлголцож ажиллах зорилгоор журам боловсруулж БОАЖЯаманд танилцуулахаар тогтов.