"Foodex Japan 2020" үзэсгэлэн ААН-үүдэд япон улс руу экспорт хийх боломжийг бий болгоно

Монголын Үндэсний Худалдаа Аж Үйлдвэрийн Танхим, Монгол-Японы Хүний Нөөцийн Хөгжлийн Төв хамтран Япон улсын Чиба мужид зохион байгуулагддаг “FoodEx Japan 2020” үзэсгэлэнд оролцох болон Япон улс руу бараа бүтээгдэхүүнээ экспортлох сонирхолтой аж ахуй нэгжүүдэд зориулан сургалт, семинар зохион байгууллаа.

Сургалтаар Монгол Япон хоёр орны бизнес эрхлэлт, харилцан хамтын ажиллагаа, экспортын бичиг баримт бүрдүүлэлт, тээврийн зардал, нөхцөлүүд, үзэсгэлэнгээр дамжуулан Япон улсын зах зээлд нэвтрэх боломж болон хэрхэн амжилттай оролцох вэ сэдвээр аж ахуй нэгжүүдтэй уулзаж ярилцлаа.

МҮХАҮТ-ын Монгол- Японы бизнес зөвлөл 2020 оны 3-р сарын 10-13-ны өдрүүдэд зохиогдох “Foodеx Japan 2020” үзэсгэлэнд туршлага судлах сонирхолтой аж ахуйн нэгжүүдийг зохион байгуулж оролцох болно.

Утас: 77277070-6, 80141884, 99036193
Цахим шуудан: mon.jp.council@chamber.mn
Вебсайт: monjap.mongolchamber.mn