"Хятадын олон улсын ханган нийлүүлэлтийн сүлжээ экспо-II" бизнес аялалд урьж байна
2024 оны 11-р сарын 26-30-ны өдрүүдэд Бээжин хотын Олон Улсын Үзэсгэлэнгийн Төвийн Шуньи танхимд “Хятадын олон улсын ханган нийлүүлэлтийн сүлжээний сурталчилгааны II экспо” болох гэж байна.
Экспог НҮБ-ын Худалдаа, хөгжлийн чуулган, НҮБ-ын Үйлдвэрлэлийн хөгжлийн байгууллага, Дэлхийн оюуны өмчийн байгууллага, Олон улсын худалдааны төв, Олон улсын худалдааны танхим дэмжин ажиллаж буй юм.
Энэ удаагийн экспогийн сэдэв нь "Дэлхийг холбож, илүү сайн ирээдүйг бий болгох нь" бөгөөд үйлдвэрлэлийн сүлжээ, нийлүүлэлтийн сүлжээний олон улсын хамтын ажиллагааг дэмжих бөгөөд хэлэлцээр, сурталчилгаа, солилцоо, үр дүнг танилцуулах зэрэг олон төрлийн үйл ажиллагаанууд зохион байгуулах юм.
Талбайн хэмжээ: 120000 м.кв
Үзэсгэлэнд оролцогчид: Хятад болон гадаадын 600 гаруй байгууллагууд
Салбар: Шинэ дэвшилтэт үйлдвэрлэл, сэргээгдэх эрчим хүч, цахилгаан машин, дижитал технологи, эрүүл мэндийн бүтээгдэхүүн, ногоон хөдөө аж ахуй, ханган нийлүүлэлтийн сүлжээний үйлчилгээ
Бүртгэлийн дуусах хугацаа: 2024.11.15
Холбоо барих хаяг: МҮХАҮТанхим ГХХАГ
Утас: 77277070-6, 99080575, 94013003
Нарийвчилсан мэдээллийг хавсралтаас үзнэ үү.
