Монгол, Япон Улсын “Эдийн засгийн түншлэлийн хэлэлцээр"-ийн хэрэгжилтийн талаар тулгамдаж буй асуудлуудыг хэлэлцэнэ
Монгол Улс, Япон Улс хооронд байгуулсан “Эдийн засгийн түншлэлийн хэлэлцээр” 2016 онд хүчин төгөлдөр болж, 2017 оны 6-р сарын 7-ны өдрөөс хэрэгжиж эхэлсэн билээ.
Уг хэлэлцээрийн хүрээнд Монголын тал 97 бүлгийн 5700 орчим төрлийн бараа, Японы тал 97 бүлгийн 9300 орчим төрлийн барааны импортын гаалийн тарифыг бууруулахаар хэлэлцээ хийсэн ба манай улс эдгээр импортын барааны гаалийн тарифын 59 хувийг (3429 төрлийн бараа), харин Япон улс 86 хувийг (8000 төрлийн бараа) хэлэлцээр хүчин төгөлдөр болсон өдрөөс эхлэн тус тус шууд чөлөөлсөн байдаг ч манай улсын экспортын нэр төрөл, үнийн дүн, хөрөнгө оруулалт төдийлөн сайн нэмэгдээгүй статистик үзүүлэлттэй байна.
Монголын Үндэсний Худалдаа, Аж Үйлдвэрийн Танхимаас энэхүү хэлэлцээрийн хэрэгжилтийн явцад бизнес эрхлэгчдэд тулгарч буй хүндрэлтэй асуудал, цаашид сайжруулах боломжийн талаар санал боловсруулан Монгол Улсын болон Япон улсын холбогдох төрийн эрх бүхий байгууллагуудад хүргүүлэхээр ажиллаж байна. Үүнтэй холбогдуулан “Эдийн засгийн түншлэлийн тухай Монгол Улс, Япон улс хоорондын хэлэлцээрийн хэрэгжилт, бизнес эрхлэгчдэд тулгамдаж асуудал сэдэвт уулзалт”-ыг зохион байгуулах гэж байна.
2024 оны 11 дүгээр сарын 13-ны өдрийн 10:00 -12:30 цагт
МҮХАҮТ-ын 503 тоот хурлын танхим
Иймд бизнес эрхлэгчид Та бүхнийг тус уулзалтад оролцож хэлэлцээрийн хэрэгжилтийн явцад тулгамдаж буй асуудал, цаашид сайжруулах боломжийн талаар санал бодлоо чөлөөтэй хуваалцахыг урьж байна.
Хариуцах ажилтан: Л.Ойгонжав, МҮХАҮТ, Хэрэглэгч үйлчилгээний газар
77277070-4, 99077127
foreigntrade@mongolchamber.mn
