Жанчхүү хотын төлөөлөгчид харилцан ашигтай хамтын ажиллагаа хөгжүүлэх хүрээнд МҮХАҮТ-д зочиллоо
Хятад, Монгол хоёр улсын худалдаа, эдийн засгийн хамтын ажиллагааг улам өргөжүүлэн хөгжүүлэх, “Жанчхүүгийн өргөн чөлөө”-ний дагуух хотуудын найрсаг харилцаа, бодит хамтын ажиллагааг улам бэхжүүлэн түргэтгэхийн тулд Жанчхүү хотын Ардын засгийн газрын Гадаад харилцааны хэлтсийн төлөөлөгчид МҮХАҮТ-д зочиллоо.
Тодруулбал, Жанчхүү хотын Намын хорооны байнгын хорооны гишүүн, нарийн бичгийн дарга, Гадаад харилцааны нийгэмлэгийн орлогч дарга Чэнь Чунээр ахлуулсан төлөөлөгчид дараах асуудлуудын хүрээнд МҮХАҮТ-ын гүйцэтгэх захирал Т.Дүүрэнтэй санал солилцлоо. Улмаар бизнес эрхлэгчид, аж ахуй нэгжүүдийн хамт Жанчхүү хотод албан ёсны айлчлал хийж, хоттой нь танилцахаас гадна бизнес, эдийн засгийн хамтын ажиллагаагаа өргөжүүлэх хүрээнд туршлага судлахыг урьсан юм.
- Худалдаа, хөрөнгө оруулалт, техник технологийн шилжилт гэх мэт салбарын хамтын ажиллагааны боломж бололцооны талаар ярилцах, ялангуяа автомашины олон улсын зах зээлийн хүрээг тэлж хөгжүүлэх, уул уурхайн техник технологи, машин механизмын борлуулалтын тал дээр хамтын ажиллагааг эхлүүлэх боломж болон харилцан ашигтай ажиллах загварыг эрэлхийлж эрэл хайгуул хийх.
- Монголын Үндэсний Худалдаа Аж Үйлдвэрийн Танхимтай найрсаг харилцаа, хамтын ажиллагааны санал хүргүүлэх тухай бичигт гарын үсэг зурах, урт хугацааны тогвортой харилцаа, хамтын ажиллагааны механизмыг буй болгож, хоёр талын аж ахуйн нэгжүүдэд харилцан холбоо тогтоох платформыг бий болгон холбогдох мэдээллийг харилцан солилцох, төслүүдийг холбож өгөх ажлыг түргэтгэх.
- Хоёр талын Засгийн газраас дэмжих бодлого болон худалдааг хялбаршуулахтай холбоотой авах арга хэмжээний талаар дэлгэрэнгүй санал бодлоо хуваалцах, бодлого талаас нь харилцан уялдуулах болон дэмжлэг үзүүлэх, худалдааны хамтын ажиллагаанд улам ашигтай нөхцөл боломжуудыг бий болгох ажлыг дэмжин ажиллах
