Тээвэр ложистикийн салбарын хөгжилд төр-хувийн хэвшлийн оролцоо сэдэвт уулзалт, хэлэлцүүлэг боллоо
МҮХАҮТ-ын дэргэдэх Худалдааг хөнгөвчлөх, тээвэр логиситикийн зөвлөлөөс зохион байгуулсан тус арга хэмжээнд Гадаад харилцааны яам, Гаалийн ерөнхий газар, Зам тээврийн хөгжлийн яамны харъя Далайн захиргаа, Улаанбаатар төмөр зам ХНН зэрэг төрийн болон төрийн өмчит байгууллагууд, хувийн хэвшлийг төлөөлөн Үндэсний тээврийн корпорац, Монголын тээвэр зуучлалын нэгдсэн холбоо, Монголын авто тээвэрчдийн нэгдсэн холбоо зэрэг төрийн бус байгууллагуудын гишүүн аж ахуй нэгжүүд оролцож Худалдааг хөнгөвчлөх, тээвэр логистикийн салбарт тулгамдаж буй асуудлуудын талаар нээлттэй хэлэлцлээ.
Бизнес эрхлэгчдийн зүгээс салбарын хууль эрх зүйн хамгаалалт, тээвэр ложистикийн үйлчилгээний НӨАТ, вагоны түрээсийн асуудал болон төмөр замын цахим үйлчилгээний талаар Гаалийн ерөнхий газар, Улаанбаатар төмөр зам ХНН-ээс тодорхой хариултууд авлаа. Худалдаанд оролцогч байгууллагуудын хувьд цахим үйлчилгээний системүүдийг нэвтрүүлээд байгаа ч онлайн гарын үсгийн зохицуулалт байхгүйгээс шалтгаалан эргээд цаасан харилцаанд орох асуудал тулгарч байгааг дурдсан юм.
Уулзалтын үр дүнд худалдааг хөнгөвчлөх, тээвэр ложистикийн салбарт тулгамдаж буй эдгээр асуудлуудыг эрэмбэлж хариуцсан төр захиргааны байгууллагуудад хүргүүлэх зарим тодорхой асуудлуудын хүрээнд дараа, дараачийн уулзалтуудыг хийхээр тогтсон байна.
