ТОМИЛОЛТ: Баруун бүсийн бизнес эрхлэгчид Ү Жя Чюй хотын худалдааны төвүүдээр зочилж, танилцлаа

БНХАУ-ын Шинжаан уйгурын Өөртөө засах орны Бүтээн байгуулалтын 6-р дивизийн харьяа Ү Жя Чюй хот болон Монголын баруун бүсийн бизнес эрхлэгчдийн хамтын ажиллагааны уулзалт өчигдөр эхэлсэн. 

Уулзалтад МҮХАҮТ-ын Ерөнхий Нарийн Бичгийн дарга С.Баясгалан болон Ховд, Увс, Баян-Өлгий аймгийн салбар танхимын дарга нар, баруун бүсийн 16 компанийн 40 орчим бизнес эрхлэгчид оролцсон юм. Тэд өөрсдийн бизнесээ танилцуулж, туршлага судлах, бүс нутгийн хамтын ажиллагааг сайжруулах, хятадын талтай бодит хамтын ажиллагааны боломжуудын талаар хэлэлцэж, түншийн харилцаа үүсгэх арга замуудыг эрэлхийлэв. 

Харин Хятад талаас хөдөө аж ахуй, жимс жимсний тариалалт, тээвэр логистик, хөнгөн үйлдвэрлэлийн 44 ААН оролцлоо. Улмаар уулзалтын дараа Монголын баруун бүсийн бизнес эрхлэгчид тус хотын зах, худалдааны төвүүдээр орж, бизнес эрхлэгчидтэй нь уулзаж, бүтээгдэхүүн үйлчилгээтэй нь танилцах аялал хийсэн юм. Өнөөдөр уулзалт дахин үргэлжилнэ. 

Манай талаас явсан аж ахуй нэгжүүдээс заримаас нь дурдвал:

- "Алдар тулга" ХХК

2008 онд байгуулагдсан. Хөдөө аж ахуйн чиглэлээр, тодруулбал малын тэжээл тариалалт, худалдааны чиглэлээр үйл ажиллагаа явуулдаг. Тус компани Хятадын талаас фермерийн аж ахуй, газар тариалангийн ургамал хамгаалалын бодисуудаас гадна нисдэг дрон, газраар явагч цацагч, хадагч машин хөдөө аж ахуйн техник хэрэгсэл сонирхож буй юм. 

-Увс мах маркетинг ХХК
20 жил үйл ажиллагаа явуулж буй тус компани мах махан бүтээгдэхүүний худалдаа, экспорт хийдэг. тэд хятадын талаас мах худалдан авах түнш хайж буй.

-Самадын Шугуй ХХК

2015 байгуулагдсан. Үрээр мод тарих, хүлэмжийн аж ахуй эрхэлдэг. Тэд Хятадын талаас үрээр мод, жимс тариалах, жимс жимсгэний аж ахуй эрхэлдэг компаниудтай холбогдохоор явж буй.