Орос-Монголын хамтарсан намрын үзэсгэлэн Улаан-Үдэд нээлтээ хийлээ
Бүгд Найрамдах Буриад Улсын Улаан-Үд хотод 2024 оны 10-р сарын 10-13-ны өдрүүдэд Монгол-Оросын хамтарсан бараа бүтээгдэхүүний долоо дахь удаагийн намрын уламжлалт үзэсгэлэн нээлтээ хийж, үргэлжилж байна.
Үзэсгэлэнгийн зохион байгуулагчаар Буриад Улсын Засгийн газар, Байкал Экспо” ХХК ажиллаж буй юм.
Тус үзэсгэлэнд Монгол Улсаас МҮХАҮТ-ын гишүүнчлэлтэй 50 гаруй, ОХУ-аас 50 гаруй нийт 100 гаруй аж ахуй нэгж оролцож байна.
Манай аж ахуй нэгжүүд ноос ноолуур, тэмээний ноос, арьс шир, савхин хүрэм, монгол үндэсний дээл, зэрэг оросуудын авах дуртай бүтээгдэхүүнээр голчлон оролцож буй бөгөөд худалдан авалт ихтэй, мөн түншлэлийн харилцаа холбоо тогтоох боломжууд өндөр байгаа талаар МҮХАҮТ-ын үзэсгэлэн яармагийн газрын дарга Ч.Баттулга Улаан-Үдээс мэдээлж байна. Аж ахуй нэгжүүд эл үзэсгэлэнд оролцож, хил нэвтрэхдээ бараа бүтээгдэхүүнээ татваргүй оруулж буйгаараа онцлог юм.
Үзэсгэлэн энэ сарын 13-нд дуусна.
