ТОМИЛОЛТ: Дэлхийн уул уурхайн үзэсгэлэнд оролцогчид Монголын зах зээлийг сонирхож байна

Монголын Үндэсний Худалдаа Аж Үйлдвэрийн Танхимаас Монгол Улсын уул уурхайн салбарын төлөөллүүдтэй хамт Америкийн Нэгдсэн Улсын Невада мужийн Лас Вегас хотод 4 жил тутамд нэг удаа зохион байгуулдаг Дэлхийн хамгийн том Уул уурхайн салбарын "MINExpo INTERNATIONAL 2024" үзэсгэлэнд оролцлоо.

Тус үзэсгэлэн нь 2024 оны есдүгээр сарын 24-26-ны өдрүүдэд Лас Вегас хотын хурал үзэсгэлэнгийн төвд зохион болсон бөгөөд нийт 800,000м2 талбайг хамарч, дэлхийн 126 орноос 1900 гаруй шилдэг үйлдвэрлэгч, ханган нийлүүлэгчид оролцлоо.

Мөн үзэсгэлэнд оролцогч байгууллагуудын зүгээс Монгол Улсын зах зээлийг ихээр сонирхож, албан ёсны хамтын ажиллагаа эрэлхийлж буйгаа илэрхийллээ.

Үзэсгэлэнг үзэн сонирхсон уул уурхайн салбарын төлөөлөл, бизнес эрхлэгчдийн хувьд салбарын хамгийн сүүлийн үеийн шинэ техник технологи, бүтээгдэхүүн үйлчилгээ, чиг хандлагатай танилцаж, туршлага судлахаас гадна шинэ харилцагчтай болох бизнесийн хамтын ажиллагааг өргөжүүлэх боломжийг бүрдүүллээ.

Үзэсгэлэн үзэж сонирхохоос гадна оролцогчид Алдарт их хавцал буюу Гранд Каньон, АНУ-ын Лос Анжелес, Лас Вегас хотуудтай танилцлаа.