БНСВУ-ын ерөнхий нарийн бичгийн дарга, Улсын ерөнхийлөгч То Лам Монгол Улсын бизнесийн төлөөлөлтэй уулзалт хийлээ

Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Социалист Вьетнам Улсын Ерөнхийлөгч бөгөөд Коммунист Намын Ерөнхий нарийн бичгийн дарга То Лам Монгол Улсад төрийн айлчлал хийж байна. 
Тус айлчлал нь Монгол Улсын ерөнхийлөгчийн 2023 онд хийсэн төрийн айлчлалын хариу айлчлал бөгөөд Монгол Улс, Бүгд Найрамдах Социалист Вьетнам Улсын хооронд дипломат харилцаа тогтоосны 70 жилийн ойн хүрээнд хэрэгжиж байгаа онцлогтой юм. 

Айлчлалын хүрээнд ирсэн зочид төлөөлөгч нар Вьетнам улстай хамтын ажиллагаатай мөн хамтарч ажиллах Монголын бизнесийн төлөөллүүдтэй уулзалт зохион байгуулсан бөгөөд, МҮХАҮТ-ын төлөөлөл болон холбогдох аж ахуй нэгжүүд тус уулзалтад оролцож, цаашдын хамтын ажиллагааны тухай ярилцлаа.