МҮХАҮТ-д энэ долоо хоногт юу ӨРНӨВ
МҮХАҮТ-д энэ долоо хоногт болж өнгөрсөн үйл явдал, мэдээллүүдийг тоймлон хүргэж байна.
1. МҮХАҮТ нь Монгол Улс дахь хөгжлийн бэрхшээлтэй иргэдийн хөдөлмөр эрхлэлтийг дэмжиж буй сайн жишээний цуврал нийтлэлийг хүргүүлж байна. 2021 онд Монгол Улсын Засгийн газар Японы олон улсын хамтын ажиллагааны байгууллага /ЖАЙКА/-тай хамтран “Хөгжлийн бэрхшээлтэй иргэдийн хөдөлмөр эрхлэлтийг дэмжих тогтолцоог бэхжүүлэх төсөл (DPUB2)”-ийг хэрэгжүүлж байгаа юм.
2. Монголын Үндэсний Худалдаа Аж Үйлдвэрийн Танхимын дэргэдэх Монгол-Туркийн зөвлөлийн гишүүдийн уулзалтыг 2024 оны 9 дүгээр сарын 25-ны өдөр зохион байгууллаа. Уулзалтыг Монгол-Туркийн Худалдаа Аж Үйлдвэрийн Танхимийн Ерөнхийлөгч - С.Болдхэт, Монгол-Туркийн зөвлөлийн Нарийн бичиг Уранцэцэн, ГХХАГ- ын дарга Б.Жаргалсүрэн удирдаж БНТУлсад хийгдэх төрийн дээд айлчлалын хүрээнд зохион байгуулагдах бизнес форумын талаар болон Монгол-Туркийн хамтын ажиллагаа, хамтран ажиллахад тулгарч буй бэрхшээлүүдийг тодорхойлох, хөрөнгө оруулалтын чиглэлүүдийн талаар санал солилцлоо.
3. МҮХАҮТ-ын гүйцэтгэх захирал Т.Дүүрэн Монгол Улс дахь Хятадын Худалдааны Танхимын (БНХАУ-аас Монгол улсад хөрөнгө оруулагчдын Зунхуа нийгэмлэг) Нарийн бичгийн дарга Бо.Эрдэнийг хүлээн авч уулзлаа. Уулзалтаар Монгол улс, БНХАУ хооронд дипломат харилцаа тогтоосны 75 жилийн ойн баярын хүрээнд хоёр байгууллага хамтран сэргээгдэх эрчим хүч, эрүүл мэндийн аялал жуулчлал, хөдөө аж ахуй, хуулийн үйлчилгээ салбарыг хамарсан өргөн цар хүрээ бүхий бизнес форумыг 11-р сарын 1-нд зохион байгууллахаар болов.
4. Монголын Үндэсний Худалдаа Аж Үйлдвэрийн Танхимаас зохион байгуулж буй 49 дэх удаагийн “Улаанбаатар Түншлэл- 2024” олон улсын үзэсгэлэн яармаг өчигдөр /2024.09.26/ эхэллээ. Улаанбаатар түншлэл нь олон улсын түвшинд танигдсан, дотоодын хэрэглэгчид, үйлдвэрлэгчдийн хүлээдэг намрын хамгийн том үзэсгэлэн, арга хэмжээ билээ. Энэ жилийн үзэсгэлэнд дотоодын аж ахуй нэгжүүдээс гадна Бүгд Найрамдах Хятад Ард Улс, Бүгд Найрамдах Беларус Улс, Тайвань, БНСУ, Оросын Холбооны Улсын бизнес эрхлэгчид шинэ зах зээл нээн, түншийн харилцаагаа өргөжүүлэх зорилгоор оролцож байна. Үзэсгэлэн энэ сарын 29 хүртэл үргэлжилнэ.
5. 2024 оны есдүгээр дүгээр сарын 27-ны өдөр Бүгд Найрамдах Казахстан Улсын «Kazakh Invest» ХК-ийн Хөрөнгө оруулалт, маркетингийн газрын орлогч захирал Суанкулова Асель Нуржановна МҮХАҮТ-д хүрэлцэн ирж энэ оны аравдугаар сард зохион байгуулах "Монгол-Казахстаны бизнес форум"-ын зохион байгуулалтын талаар санал солилцлоо.
