БНХАУ-ын нийслэл Бээжин хотноо “БҮС БА ЗАМ” санаачилгын 2024 оны Худалдаа, Хөрөнгө оруулалтын чуулган амжилттай зохион байгуулагдлаа
Бүс ба зам нь “Хамтдаа зөвшилцөх, Хамтдаа бүтээлцэх, Хамтдаа хуваалцах зарчмаар хамтын хөгжлийн боломжийг бий болгох олон улсыг хамарсан бүс нутгийн санаачилга юм.
Тус чуулганд хятадын талаас БНХАУ-ын ОУХДХ-ны дэд ерөнхийлөгч Хятадын Олон Улсын Худалдааг Дэмжих Хорооны (CCPIT) дэд дарга, CCOIC (Хятадын Олон улсын худалдааны танхим)-ийн дэд дарга ноён Юй Жианлун, Үндэсний хөгжил, шинэчлэлийн хорооны Бүс нутгийн нээлтийн газрын дэд дарга ноён Жан Мин, Торгоны замын бизнесийн зөвлөлийн Хятадын хорооны дарга ноён Ван Тунжоу, Иран-Хятадын Худалдаа, аж үйлдвэрийн танхимын, Малайзын Хятадын Холбооны Худалдаа Аж Үйлдвэрийн Танхимуудын, Их Британийн бизнесийн зөвлөлийн төлөөлөгчид оролцсон бол монголын талаас МҮХАҮТ-ын Гүйцэтгэх захирал Т.Дүүрэн тэргүүтэй МҮХАҮТ-ын Эрчим хүчний зөвлөлийн дарга Ганхуяг, МҮХАҮТ-ын БНХАУ дахь Төлөөлөгчийн газрын тэргүүн төлөөлөгч О.Амарболд, NewCom ХХК-ийн Гүйцэтгэх захирал Баатармөнх нар болон бусад төлөөлөгчид оролцлоо.
Уг чуулганд “Бүс ба Зам" санаачилгын хамтарсан хөгжлийн замыг сонгосон 66 улсын 500 гаруй зочид төлөөлөгчид оролцож Хамтын ажиллагааг эрчимжүүлэхэд харилцаа холбоог сайжруулах, Шинэ чанарын бүтээмжтэй “ухаалаг сүлжээ”, Нүүрстөрөгч багатай хөгжлийн Ногоон торгоны зам сэдвүүдээр чуулж, цаашид 3 дахь шатны хамтын ажиллагааг хэрхэн нэвтрүүлэх талаар хэлэлцлээ. Тус санаачилга нь өнөөдрийг хүртэл хэрэгжсэн болон хэрэгжиж буй 3000 гаруй төсөл хөтөлбөрүүдийг хамарч, нийт 220 гаруй тэрбум юанийн хөрөнгө оруулалтыг улс орны хамтын хөгжлийг бий болгоход зориулаад байгаа юм.
