МҮХАҮТ СИНГАПУРЫН ХӨРӨНГӨ ОРУУЛАГЧ БИЗНЕС ТӨЛӨӨЛЛҮҮДИЙГ ХҮЛЭЭН АВЧ УУЛЗЛАА

МҮХАҮТ-ын дарга Т.Дүүрэн Сингапур улсын хөрөнгө оруулагчдыг хүлээн авч уулзлаа. 

Тус уулзалтаар Монгол Улсын хөрөнгө оруулалтын орчин, боломж, сорилтуудыг ярилцсан бөгөөд, цаашлаад олон улсын хөрөнгийн зах зээлийг Монголын зах зээлд хөгжүүлэх, хөрөнгийн зах зээлийн тухай ойлголт, мэдээллийг түгээн дэлгэрүүлэх талаар дэлгэрэнгүй ярилцаж, санал солилцлоо. 

Сингапурын томоохон аж ахуй нэгж болох Standard Chartered Bank, Raffles Development Pte. Ltd, Weston Vision Realty Pte. Ltd зэрэг компаниудын төлөөлөл хүрэлцэн ирсэн бөгөөд, уул уурхай, уул уурхайн тоног төхөөрөмж, эрдэс баялаг, барилгын салбарт хөрөнгө оруулах хүсэлтэй байгаа бөгөөд энэхүү салбарын найдвартай түнш хайж байгаагаа илэрхийллээ.