Төр хувийн хэвшлийн зөвлөлдөх хороог Булган аймагт байгуулна
МҮХАҮТ-аас зохион байгуулж буй Төр, хувийн хэвшлийн зөвлөлдөх уулзалт, хэлэлцүүлэг Булган аймагт эхэллээ.
Уулзалтад МҮХАҮТ-ын ерөнхийлөгч О.Амартүвшин тэргүүтэй Танхимын төлөөлөгчид, Булган аймгийн орон нутгийн засаг захиргааны ажилтнууд, Булган аймаг дахь мэргэжлийн холбоод, бизнес эрхлэгчдийн төлөөлөлүүд оролцож байна.
Тэд орон нутгийн бизнесийн орчинд тулгамдаж буй асуудлуудыг хэлэлцэж шийдлийг тодорхойлох ТӨР ХУВИЙН ХЭВШЛИЙН ЗӨВЛӨЛДӨХ ХОРОО-г байгуулахаар ажиллаж байна.
Төр хувийн хэвшлийн зөвлөлдөх уулзалтад нийт 30 гаруй бизнес эрхлэгч оролцож Булган аймгийн үйлдвэрлэл, үйлчилгээг хөгжүүлэх бодлого, жижиг дунд бизнес эрхлэгчдийн өнөөгийн байдал, зээлийн мэдээлэл, бизнест инноваци нэвтрүүлэх болон олон улсын зах зээлд бүтээгдэхүүнээ гаргах асуудлаар санал солилцлоо.
