МҮХАҮТ-ын ЕНБДарга С.Баясгалан БНХАУ-ын “Шилдэг ААН-үүдийн Групп”-ийн төлөөлөгч нарыг хүлээн авч уулзлаа

2024/09/05 0

БНХАУ-ын “Шилдэг ААН-үүдийн Групп” нь нийт 10.000 гишүүн байгууллагатай бөгөөд тэдний төлөөлөл болох 20 бизнес эрхлэгч өнөөдрийн уулзалтад оролцож монгол улсын бизнес, хөрөнгө оруулалтын орчин, хөрөнгө оруулалтын боломжийн талаар мэдээлэл авлаа. Тус Групп”-ын дэд ерөнхийлөгч Жанг Тинг-ээр ахлуулсан бизнес бүрэлдэхүүн монгол улсад уул уурхай, төмрийн хүдэр, хүнд даацын техник хэрэгсэл, барилга, тээвэр логистик, цахилгаан кабелийн худалдаа, ийм төрлийн үйлдвэр байгуулах, ухаалаг технологи болон эрчим хүчний салбарт хөрөнгө оруулах, хамтын ажиллагааны боломжийг эрэлхийлж байгаагаа илэрхийлэв.
Харин ЕНБДарга С.Баясгалан: МУ-ын хөрөнгө оруулалтын голлох салбаруудад хөрөнгө оруулах боломж хайж байгааг сайшаан дэмжээд МҮХАҮТ-н Монголын бизнес эрхлэгчдийг төлөөлдөг гол байгууллагын хувьд найдвартай хийгээд сайн түнш олоход голлон анхаарч ажиллана гэв.

Хурлын үеэр МҮХАҮТ-ын ХҮГДарга Э.Бадамхорол Монголын бизнесийн орчин илтгэл, Хөрөнгө оруулалт худалдааны газрын Хөрөнгө оруулагчдын эрх ашгийг хамгаалах хэлтэс, Эрх зүйн зөвөлгөө, сурталчилгаа хариуцсан ахлах мэргэжилтэн Г.Цэцэгдарь “ Хөрөнгө оруулалтын орчин” илтгэлийг тус тус танилцууллаа.

Тус хуралд БНХАУ-ын нүүрсний голлох бүс нутаг болох Шандунг мужийн нүүрсний худалдааны компани, Хятаддаа төдийгүй Зүүн Азид эрчим хүчний цогц судалгаа хийж гүйцэтгэсэн Нингбо групп, Ухаалаг систем, ухаалаг тээвэр, ухаалаг технологийн Гуанжоу Хунтай программ хангамжийн ХХК зэрэг Хятадын томоохон компаниуд оролцлоо.

Дашрамд дурдахад: БНХАУ-ын хөрөнгө оруулагч нар Улаанбаатар хотод 2024.09.08-ны өдөр хүртэл ажиллах ба уул уурхай •хүнд оврын техник хэрэгсэлийн худалдаа•тээвэр ложистик•эрчим хүч•ухаалаг технологи зэрэг салбаруудад бизнес эрхэлж буй Монгол ААН-үүдийг нээлттэй уулзалтанд оролцохыг урьж байна.