МҮХАҮТ МОНГОЛ – ТУРКИЙН БИЗНЕСИЙН ЗӨВЛӨЛИЙН ДАРГА ОЗКАН ОЗТУРКТАЙ УУЛЗЛАА.
МҮХАҮТ-ын ЕНБД С.Баясгалан Монгол – Туркийн бизнесийн зөвлөлийн дарга Озкан Озтурктай уулзлаа. Энэхүү уулзалтаар Монгол – Туркийн бизнесийн зөвлөлийн үйл ажиллагааг идэвхижүүлэх цаашдын хамтын ажиллагааны тухай ярилцлаа.
Сүүлийн үед чиг хандлага болж тогтож байгаа эрүүл мэндийн аялал жуулчлалын салбарыг БНТУлсруу чиглүүлж, зах зээлийг нь таниулж чадвал хамтын ажиллагааны ихээхэн боломж байгааг цохон дурдсан юм. Мөн 2022 оны 10 сард МҮХАҮТ, Турк Улсын Танхим, Биржүүдийн Холбоо (TOBB) хамтран Монгол-Туркийн бизнес форумыг зохион байгуулсан бөгөөд талууд арьс ширний боловсруулалтын чиглэлээр хамтран ажиллахаар тохиролцсон байсан юм.
Харин энэхүү уулзалтаар дээр дурдсан салбарын бизнесүүдийн хамтын ажиллагааг илүү эрчимжүүлж, цахим уулзалт, бизнес форум, харилцан айлчлал зэргийг зохион байгуулахаар боллоо.
Дашрамд дурдахад 2024 оны 9 дүгээр сарын эхний долоо хоногт Монгол – Туркийн бизнесийн зөвлөл, гишүүн байгууллагууд хуралдах бөгөөд сонирхсон аж ахуй нэгжүүдийг оролцохыг уриалж байна.
